Salmo 110:4 - Blaan Sarangani

⁴ Tamakang i Amuta Dwata, na laan nawì i fakangan, gmanan, “Tanalékta ge du mbaling bà i dad togu di deg kel di landè sen, salngad di ku Harì Mélkisidék, i bà di deg di muna na dad tmadol kenen.”

Salmo 110:4 Referans Kwoze

Hibru 7:17

Too glut ani, du tafsulat Dwata gablà ani, manan, “Tanalékta ge du mbaling bà i dad togu di deg kel di landè sen, salngad di ku Harì Mélkisidék i bà di deg di muna.”

Hibru 5:6

Na nun lêman man Dwata di Tnaluan, manan, “Tanalékta ge du mbaling bà i dad togu di deg, kel di landè sen, salngad ku Harì Mélkisidék i bà di deg di muna fa.”

Hibru 7:21

Kabay nun fakang Dwata di ku Dyisas fsulatan di Tnaluan, manan, “Tamakang Dwata i Amu, na laan nawì i fakangan, manan, ‘Tanalékta ge du mbaling bà i dad togu di deg kel di landè sen.’ ”

Dyénésis 14:18

Kafnge én, Mélkisidék, i harì di banwe Salém, smitong ku Abram. Mélkisidék ani i satu bà di Dwata i Too Mdatah. Na mebe kenen fan na binu di ku Abram.

Hibru 7:28

I muna dad mdatah bà di Dwata, mgalék fagu di flalò fdu di ku Mosis tatì ale alò to, na gal nun gukulangla. Kabay di fulé ani dnohò Dwata i fakangan tangalan fagu di safà, na nalékan Tingaan Dyisas i landè gukulang, du mgimò bà di kenen kel di atuan landè sen.

Hibru 7:11

Na di kablé Dwata i dad flalò di dad bel Israél, nimoan dad bel Libay dad baito di kenen. Na kaflingenta dun, ku ale i gmagan fatlu i dad to fagu di kaflalòla i dad flalò Dwata landè kamu Dwata mdek satu bà gambet ku Mélkisidék du tlas i dad bà gambet ku Aron i bel Libay.

Tafite 1:6

Na ani tanimoan ito dad to fakay magin kenen di kagotan, na fbalingan ito dad bà di Maito Dwata. Na taman too ito dmayen i kdatahan du landè gusen i kagotan. Amén.

Salmo 132:11

Tatoo ge makang di ku Dabid, na laam nawì i fakangam, i tagmanam, “Nimògu harì satu di dad ngaam, na kenen i harì tmadol di ge.