Roma 7:24 - Blaan Sarangani

²⁴ Too sè klidù nawagu gablà di nimògu ani. Simto kè gmagan falwà deg mdà di kagfasak i lawehgu ani, i mebe deg di fati landè sen?

Roma 7:24 Referans Kwoze

Roma 6:6

Du gadeito i sasè knayè i nawaito, maglansang di krus gagin ku Dyisas, du fye fisan i kgal i sasè knayeito, du fye là ito magfasak di salà,

2 Timoti 4:18

Na gadègu i Amuta Dyisas lêman falwà deg mdà di kdee sasè, kel di keben deg di banwe nagotan di langit. Kenen too magdayen kel di landè sen. Amén.

Titus 2:14

Blé Dyisas i kton di fati tlas gito, du fye falwaan ito mdà di kdee salà, nlaneban ito, nimoan ito dad to nfunan, na banlén ito ayè mimò fye.

Roma 8:2

Du mdà di ksasatuito di ku Krayst Dyisas, tagablé Mtiu Tulus di gito i falami nawa. Na tafalwaan agu di kgikat di salà, i mebe dad to di fati landè gusenan.

Tafite 21:4

Na nifun i kdee lwak di matala, na landè mati, landè mlidù, landè mngel, na landè katduk, du i dad muna takubu, na kdee matlas.”

Hibru 2:15

Na falwaan ito di klikoito i fati i gumgikatito kloito mto.

Roma 8:26

Nun fa dademe nimò i Tulus Dwata, tnabengan ito dad to landè kfulung. Du balù i kdasalito, là ito gmadè ku tan fniito di Dwata, bay i Tulus Dwata tmugad di kenen i too mngalam knayè nawaito, i laito gagan man.

Roma 8:13

Du ku nimenito i knayeito, maflayam ito di fati landè sen. Kabay ku tnagakito i sasè knayeito fagu di ktabeng Tulus Dwata, nun gablé di gito nawa landè sen.

I Fye Tulen gablà ku Dyisas Krayst i Sulat Luk 4:18

“I Tulus Dwata mnè di deg, du tanalékan agu tmulen i Fye Tulen mdà di Dwata di dad to landè. Tadekan agu dini, du fye tmulen gablà di kagalwà i dad to gakfè, na fgulê i dad to butè, na falwà i dad to fanlayam i dademe,

Salmo 72:12

Du di kenen kagot kadang, falwaan i dad to landè di kalimala, na i dad to too nun kanlidù, na i kdee to landè tmabeng dale, ku ftabeng ale di kenen.

Kolosas 2:11

Tanun ilè tambaling gamu dad ngà Dwata, ise ilè nimò i dad to di kaftulì i laweh, bay fagu di ksasatuyu ku Krayst falwaan gamu di dad sasè knayèyu, i gamgikat gamu.

Matyu 5:6

Nun kafye i dad to bitil na malinum i katlu Dwata, du fabsolan ale kadang.

Salmo 6:6

Too agu mlungay nan di kablat klidù i nawagu; klit butang tì agu msabew i lwakgu, na too fafê i gumilègu mdà di kngelgu.

Matyu 5:4

Nun kafye i dad to mlidù, du nlala ale Dwata.

Salmo 119:143

Nkel agu ksamuk na kaflayam, bay i dad dekam i gaflehew deg.

Salmo 119:131

Taman too knayè i nawagu mimen i dad dekam gami, gambet nun bong kbitilgu dun.

Roma 8:23

Na là alò dmalong i kdee dademe mgimò Dwata, bay dmalong ito di kfatanito i duh én, gito dad tagamdawat Tulus Dwata, i ilè nun fa blé Dwata gito di fulé duh. Too ito fatan, du too ito mayè ku gdohò i duh kfite Dwata gito i mbaling dad ngaan, di ksikof kafalwà Dwata gito di kfalamin lawehito.