Roma 1:30 - Blaan Sarangani

³⁰ Too ale dmalam i demela to, na knang nawala Dwata, landè afèla, fdatahla i ktola, na too ale fdag. Too ale fulung faldam i falami bung sasè fakayla nimò, na làla nimen i dad tuala.

Roma 1:30 Referans Kwoze

2 Timoti 3:2

Du kadang i dad to alò mbong nawa i ktola, na lom i knun, fdag ale, fdatahla i ktola, madoy ale i demela to, là ale mimen i dad tuala, ku nun tmabeng dale làla kah di nawala tatì landè di dale, là ale mafè Dwata,

Dyud 1:16

Dad to én, gal ale mugak na banléla salà i dad demela to, lalòla i sasè knayèla, fdagla i ktola, na dnayenla dademe to, fye gwèla i knayèla.

2 Fiter 2:18

Na i manla slame fdatah i ktola fagu di katdòla i tdò landè gukmamu dun. Na dad to falami galwà mdà di dademe mnè fa di salà, fangawla fagu di dad sasè knayè lawehla.

Dyém 4:16

Kabay ani, tabaling gamu fdatah na fdag. Na i kafdag gambet ani slame sasè.

Dyém 3:5

Salngad én dilaito, du balù too tukay, bay knean, too fulung fdag gablà di bong gnaganan. Fandamyu ku tan i kabal gusakuf i dlag mdà alò di tukay dinè lifoh.

Titus 3:3

Du balù gito di muna, là ito fa glabat i dalan Dwata, na là ito mimen kenen, na gasyat ito di kaglut. Magfasak ito di kdee bung sasè nibalito na knayeito. Na mnè ito di sasè fandam, na di kingà nawa. Na mnang nawa dad to gito, na gito mnang nawa dale.

2 Tésalonika 2:4

Knangan Dwata, na kdee i dad dnagit dwata fnangamfù i dad to. Na fdatahan i kton di kdee, na fusuk kenen balù di Bong Gumnè Dwata di Dyérusalém, na sudeng déén na manan kenen kun Dwata.

2 Korintu 10:15

Làmi sa fdag i dad nimò i dademe dad to di dad banwe ise gumdek Dwata gami. Kabay du gakuf gamu di nimò fimò Dwata gami, kayèmi ku fadlug lamnok i kafaglutyu, du fye too mbel i nimò i fimò Dwata gami.

Roma 3:27

Taman là fakay fdag i balù simto to gablà di katlun. Du laito fakay mangman i duenito matlu di kite Dwata du mimen ito i flalò, du én duen ito matlu di kiten, du mdà alò di kafaglutito di ku Dyisas Krayst.

Roma 2:23

Fdag gamu du gamu gumlé Dwata i flalò, bay balingyu falmo i dengegan fagu di klafàyu dun.

Roma 2:17

Na gamu dad demegu Dyu, fandamyu fakay gamu smalig di kimenyu i flalò, na fdag gamu, du fandamyu alò gamu gmadè Dwata, bay gsalà i fandamyu.

Dad Nimò 5:36

Du là dee fali takubu, nun satu to dnagit ku Tudas too fdatah i kton, na mdadong fat latu dad to magin di kenen. Kabay là mlo nun mati kenen, na i dad to magin kenen sbalét na landè gukel i dad nimoan.

I Fye Tulen gablà ku Dyisas Krayst i Sulat Luk 21:16

Na balù i dad tuayu, dad flanekyu, dademe dad gakedyu, na dademeyu sgalak, nun di dale mlé gamu di ganlal. Na nun di gamu fnatila.

Matyu 16:21

Mdà di bang én, tambù Dyisas fgadè di dad gal mlalò kenen gablà di fan mkel di kenen, manan, “Là fakay ku là agu salu di syudad Dyérusalém, na magu di dee kaflayam ditù mdà di dad tua gal mebe i dad to Dyu na i dad ulu i dad bà di Dwata na i dad tamdò i flalò blé Dwata fagu di ku Mosis. Fnatila agu, bay nték agu mdà di fati di gatlun duh.”

Matyu 15:4

Du ani flalò Dwata, ‘Nafèyu i màyu na yêyu,’ na ‘Ku simto to talù sasè gablà di maan ku demen yéan fnati.’

Dad Fngewe 30:17

I to madoy i maan, na too là mayè mimen i yéan, fye ku tnukè i dad anuk di bnas i dad matan, na i lawehan knaan i dad kablak.

Dad Fngewe 25:23

Ku bang i balat too gafles mulen salngad kagafles i kalbut ku nun malsalék.

Dad Fngewe 8:36

I to là mite deg fanlayaman i kton, na i to mnang deg, bong nawan i fati.” Kdee ani gine gman kfulung.

Salmo 49:6

dunan i dad to smalig di bong filakla, na fdag i bong knunla.

Dyan 7:7

Là gamu knang nawa i dad to mlalò knayè i banwe, bay knangla agu nawa du fgadègu i ksasè i dad nimòla.

Salmo 10:3

Hae, du i dad to mimò sasè dagla i dad sasè knayè mnè di lam nawala, na i dad to lom i knun, mnang nawa na knagolla Dwata.

Salmo 5:5

I to fdatah i kton là gtadag di kanfem, du toom knang nawa i kdee to mimò sasè.

Dad Fngewe 24:8

I to funan fandam i kiboan mimò sasè, én kdagit kenen i to mimò samuk.

2 Korintu 12:20

Na likò agu ken di kakelgu di gamu, teengu di gamu i làgu knayè, na nun mangu di gamu i làyu knayè. Likò agu ken nun di gamu sbulaw, mingà nawa, flabè nawa, na fabtasla di nawala i alò knayèla, na falmo i dengeg i demela to, malsalék, fdatah, na gal mlét i nawa i dad demela to.