Matyu 9:26 - Blaan Sarangani

²⁶ Na too mbel i santulen gablà di mgimò Dyisas di klamang banwe.

Matyu 9:26 Referans Kwoze

Matyu 4:24

Na too mbel i santulen gablà di kenen di klamang banwe Sirya, taman nebela di kenen i kdee dad to nun dad sahal bung tduk, na dad to maflayam du mdà di sasè katduk, na dad to nun busaw, dad to bnabuy, na dad to là galyak lawehla, na fangulê Dyisas i kdeela.

Mark 1:45

Kabay di kdà i to tafangulê Dyisas, balingan tulen di kdee dad to i mgimò Dyisas di kenen, na nbelan santulen ani di klamang banwe. Taman talà gfite Dyisas di dademe dad banwe di lam Galili du alì dee dad to gal stifun di safédan. Baling kenen lamngab di dad banwe gulandè dee to. Kabay knean salu déén di kenen dad to mdà di kdee banwe déén.

Dad Nimò 26:26

Na Harì Agrifa, landè klikògu falwà i kdee kayègu man di ge, du gadeam sa gablà di kdee ani du là sa mgimò di gugbunin.

Mark 6:14

Na linge Harì Hérod gablà di kdee nimò Dyisas, du tatoo mdengeg i dagit Dyisas. Man i dademe to kun, “Dyisas, dunan Dyan Gal Munyag tamték mdà di fati, na én duen too kenen mtulus.”

Matyu 9:31

Kabay knean balingla santulen i mgimò Dyisas di klamang banwe.

Mark 1:28

Na too mlal mbel santulen gablà ku Dyisas di klamang banwe Galili.

I Fye Tulen gablà ku Dyisas Krayst i Sulat Luk 4:14

Kafnge én, mulê Dyisas di Galili, na mnè di kenen gnagan i Mtiu Tulus. Na mbel i dad santulen gablà di kenen di klamang banwe.

I Fye Tulen gablà ku Dyisas Krayst i Sulat Luk 4:37

Na mbel i santulen gablà ku Dyisas di kdee dad malnak banwe di klamang banwe.

I Fye Tulen gablà ku Dyisas Krayst i Sulat Luk 5:15

Kabay balù tafnang Dyisas kenen tmulen, too mbel i santulen gablà ku Dyisas, na too dee dad to gal stifun déén du flinge i tdoan, na fye mgulê i dad tdukla.

I Fye Tulen gablà ku Dyisas Krayst i Sulat Luk 7:17

Na mbel i santulen gablà di nimò Dyisas di klamang banwe Dyudiya na di kdee banwe di glibutan.