Matyu 7:24 - Blaan Sarangani

²⁴ “Na taman kat to mlinge i dad tdògu na mimen dun, salngad ale di to too fulung faldam du déén gufdakan gumnean di bong batu.

Matyu 7:24 Referans Kwoze

Dyan 13:17

Na du glabatyu i tdògu di gamu ani, nun kafyeyu ku nimenyu.

I Fye Tulen gablà ku Dyisas Krayst i Sulat Luk 11:28

Kabay tmimel Dyisas, manan, “Kabay too nun kafye i dad to flinge Tnalù Dwata na mimen dun.”

1 Dyan 2:3

Ani gudmilè too glut gmadè ito Dwata, ku nimenito i kdee flaloan gito.

Dad Fngewe 10:8

I to fulung faldam, too gamdawat i fye fngewe, bay i to talù là man, falmon i kton.

Dyan 14:15

“Ku bong nawayu deg, nimenyu sa i dad flalògu.

Dyan 15:14

Na gamu dad too glut demegu sakdo ku nimenyu dad flalògu.

Dyan 15:10

Ku nimenyu dad flalògu, mnè gamu di kakdogu, salngad deg, du nimengu dad flalò Màgu, na mnè agu di kakdon.

Matyu 12:50

du ku simto mimò knayè i Màgu di langit, kenen i mgimò flanekgu lagi, na flanekgu libun na yêgu.”

Salmo 119:99

Du toogu gal fandam i gmanam, na baling mdatah fa i deg gnadè di kdee to tamdò deg.

Salmo 119:130

I kafbel i dad tnaluam, lamwa fandam i dad to, na mlé kaglabat balù di dad to landè gnadè.

Dad Fngewe 14:8

I kfulung i to fulung mebe i kton, gmadè sa kenen ku tan i nimoan, bay i to là fulung faldam, én fandaman gmadè kenen ku tan i nimoan, bay fangawan i kton.

Dad Fngewe 10:25

Kakel i bong ulen na too mgal i nus fugen i to sasè, bay i to matlu kel di atuan là fisan di kgal i nus.

Dad Fngewe 12:7

I dad to sasè mati, na landè tnagakla bella, bay i dad bel i dad to matlu, landè gusenla.

Matyu 7:25

Na kel i bong ulen, na dmunuk na mbal i bong nus fsalu di gumnean, bay laan fugen du déén gugafdak i dad lahan di tah batu.

Matyu 7:26

Kabay kat to mlinge i tdògu, bay là mimen dun, salngad kenen di satu to là fulung faldam du déén gufdakan gumnean di falak.

Matyu 16:18

Taman dnagitgu ge Fiter du gambet ge i mgal batu. Na di batu ani gufdakgu gumnègu, dunan i dad to faglut di deg. Na landè gamfisan dale, balù fati.

Matyu 24:45

Na man Dyisas, “Simto i salig too gsalig na too fulung? Dunan i salig gufagot i amun i dademe dad saligan, du fye nalelan dale i knaanla ku tabang kablé dun.

Matyu 25:2

Lime ale i là fulung faldam, na lime fulung faldam.

Matyu 25:4

Kabay i dad libun fulung faldam nebela dad salòla na nun nebela tnù fngalo.

Matyu 25:9

“Kabay tmimel dad fulung faldam, manla, ‘Landè kibòmi du ken là gablà i fngalomi ku banlémi gamu. Mdà gamu salu di dad to fabli du mayad fngalo, fye nun salòyu.’

Roma 2:13

Du ise ku alò fagu di kaflinge i flalò gumdà i satu to matlu di kite Dwata, bay i to mimen i flalò, én i matlu di kite Dwata.