Matyu 26:42 - Blaan Sarangani

⁴² Na lêman samfulê Dyisas di gudmasalan, na manan, “E Mà, ku landè kibò mwè i kaflayam fan kel ani silang ku nagugu, fye ku gdohò i ge knayè.”

Matyu 26:42 Referans Kwoze

Matyu 26:39

Na salu kenen di là too mawag, na tatì kenen lamfan di tanà na dmasal, manan, “E Mà, gaganam i kdee, taman begam nwè i kaflayam fangu nagu ani. Kabay balù én i deg knayè, toom dnohò i ge knayè.”

Hibru 4:15

Du i mdatah baito di Dwata, toon glabat ku tan i gumlungayito, du tanagun i kdee dad tilew i gnaguito. Kabay kenen alò i là lmen gamsalà.

Matyu 6:10

Kayèmi ku ge magot i kdee dad to, na ku gdohò i kdee knayeam dini di tah tanà salngad kagdohoan déén di langit.

Matyu 20:22

Kabay tmimel Dyisas, manan, “Làyu gadè i fniyu. Gaganyu kè mebe i kaflayam salngad i bong kaflayam gnagugu kadang?” Manla, “Hae, gaganmi.”

Matyu 26:43

Na lêman kenen samfulê na lêmanan ale teen gkudang du too ale malkudang.

Mark 14:36

Na manan, “E Mà, gadègu landè laam gagan nimò. Taman begam nwè i kaflayam fangu gnagu ani. Kabay balù én deg knayè, toom dnohò i ge knayè.”

I Fye Tulen gablà ku Dyisas Krayst i Sulat Luk 22:42

manan, “E Mà, ku fakay di ge nweam di deg i kaflayam fangu nagu ani. Kabay nimoam i ge knayè, ise deg.”

Dyan 6:38

Du ise én duengu tufa mdà di langit du nimògu i deg knayè, bay salu agu dini du nimògu i knayè i mdek deg dini di tah tanà.