Matyu 25:45 - Blaan Sarangani

⁴⁵ “Na tnimelgu ale kadang, mangu, ‘Tulengu gamu i kaglutan, ku tan i làyu nimò di dad flanekgu balù too mdanà to, salngad ku làyu nimò di deg.’ Én mangu di dale.

Matyu 25:45 Referans Kwoze

Dad Fngewe 21:13

Ku nun to là flinge i kafakdo i dad to landè, di satu duh, ku kenen i fakdo landè flinge kenen.

Dad Fngewe 17:5

I to madoy i dad to landè, salngad nadoyan Dwata i mimò dale, na i to lehew di sasè gaslok i demen to, nun kaflayaman.

Dad Nimò 9:5

Na smalek Sol, manan, “E Amu, simto ge kè?” Na tmimel i talù én, manan, “Agu sa Dyisas, i galam fanlayam.

Matyu 25:40

“Na agu, i Harì, tmimel agu, mangu, ‘Tulengu gamu i kaglutan, ku tan i nimòyu di satu flanekgu balù ku too mdanà to, salngad ku di deg i gumimòyu dun.’

Dad Fngewe 14:31

Ku bankutam i to landè, knangam Dwata i mimò kenen, bay ku tnabengam i to landè, mafè ge Dwata.

Salmo 105:15

manan, “Nangyu fansasè i dad salig i tamgalékgu, na nangyu fanlayam i dad tugadgu.”

Dyénésis 12:3

Banlégu kadang kafye i dad to fafye ge, bay dnuengu balù simto dmuen ge. Fagu di ge blégu kafye di kdee dad to di klamang banwe.”

Matyu 10:41

Na ku simto dmawat i tugad Dwata, mdà di kdek Dwata kenen, salngad untung gdawatan di gdawat i tugad Dwata. Na salngad én, ku simto dmawat i to matlu du mdà di katlun, salngad untungan di to matlu.

Matyu 25:44

“Na i dad to én kadang, smalek ale, manla, ‘Amu, kilen kitemi ge bitil, demen malinum, demen di banwe landè dmilè ge, demen landè klaweh, demen nun tduk, ku demen bnilanggù, na làmi ge tnabeng?’

Matyu 25:46

“Na i dad to én, ditù gusalula di gumaflayamla landè sen, bay i dad to matlu banlé ale nawa landè sen.”

1 Korintu 8:12

Na du manyu fakay ale kmaan, falmoyu i fandam i dad flanekyu faglut, du di dale sasè ku kmaan ale. Na gamsalà gamu di ku Dyisas Krayst, du fagsalàyu i demeyu faglut i mlungay fa i kafaglutan.