Matyu 25:35 - Blaan Sarangani

³⁵ Gdawatyu ani du di kbitilgu tafankaanyu agu, di kalinumgu tafninumyu agu, di là kdilèyu deg tafyakyu agu di gumnèyu,

Matyu 25:35 Referans Kwoze

Hibru 13:16

Na tooito fkah di nawaito mimò fye na too ito sablé du én i satu dsù too gaflehew Dwata.

Dyém 1:27

Di kite Maito Dwata i tlu kafaglut landè gukulangan, dunan i kifatito i dad ilu na dad balu di kalimala, na neyeito i ktoito, du fye là kamfit di gito i ksasè di tah tanà ani.

Roma 12:13

Mlé gamu di dad flanekyu faglut nun klidù. Na galyu fyak di gumnèyu i dad to magu.

Roma 12:20

Kabay balingyu lalò i man Tnalù Dwata, “Ku bitil i to dmuen gamu fankaanyu, ku malinum banléyu kenen ninum. Du ku ani nimòyu, mbaling kenen too myà mdà di kafsasean gamu.”

Hibru 6:10

Na Dwata too matlu, na taman toogu fnaglut na laan glifet i kdee fye mgimòyu, na i kalbong nawayu kenen fagu di tooyu ktabeng i dad demeyu faglut mdà fa di muna na kel i ani.

Filimon 1:7

Filimon, i flanekgu toogu kando, too agu lehew na too maglala i nawagu, du taflaanam nawa i dad demem faglut fagu di kakdom dale.

1 Timoti 5:10

na ku tooyu dilè i fye nimoan di fye keben i dad ngaan, kdawatan i dad to tlang, kaloban i dad blì i dad to faglut, ktabengan i dad to mnè di kalima, na di kalgadan mimò dee dad fye nimò.

Ifisus 4:28

Na i to gal tmaku di là kenen fa faglut, nang tmaku, bay falgad mimò du meye i kliduan, du fye gtabengan i dad to landè.

Roma 16:23

Gayus i dmawat deg klogu dini, fandaman gamu kun. Di gumnean i gustifun i dad faglut dini. Irastus magot i filak di banwe ani, na i flanekito di kafaglut Kwartus, fandamla gamu kun.

Dad Nimò 16:15

Na kenen na kdeela di gumnean fbunyag ale. Na kafnge én, nlakan gami manan, “Ku fnaglutyu too untù i kafaglutgu di ku Dyisas, magin gamu di gumnègu na mnè gamu déén.” Na du too fakdo di gami, salu gami di gumnean.

Dad Nimò 11:29

Taman sasatu nawa i dad mlalò ku Dyisas mlé tabeng di dad flanekla faglut mnè di banwe Dyudiya, na kat man satu dale mlé i sen gaganan tabeng.

Dad Nimò 10:31

Na manan di deg, manan, ‘E Kornilyus, talinge Dwata i dasalam na tafandaman i dad blém di dad to landè.

Dad Nimò 4:32

Na kdee dad faglut sasatu nawala na fandamla. Na landè di dale mangman ku alò kenen mfun i knunan, bay gal ale sablé mdà di kdee dad knunla.

Dyan 13:29

Na du Dyudas i gal magot i gumkah filakla, én fandam i dademe ku dekan kenen mayad i klidùla di fista, na ku ise én, ken dekan mlé filak di dad to landè, bay ise sa.

I Fye Tulen gablà ku Dyisas Krayst i Sulat Luk 11:41

Kabay ani fye nimòyu, mlé gamu di dad to landè balù tan i gaganyu, du fye gadè i dad to mlaneb gamu, là alò di lwà, bay ditù fa di lam.

Mark 14:7

Gal nun dad to landè di safédyu fakayyu tnabeng balù tan bang kayèyu, bay deg, là agu mlo mnè di safédyu.

Matyu 26:11

Gal nun dad to landè di safédyu fakayyu tnabeng, bay deg, là agu mlo mnè di safédyu.

Matyu 25:40

“Na agu, i Harì, tmimel agu, mangu, ‘Tulengu gamu i kaglutan, ku tan i nimòyu di satu flanekgu balù ku too mdanà to, salngad ku di deg i gumimòyu dun.’

Dad Fngewe 25:21

Ku bitil i to dmuen gamu fankaanyu kenen, ku malinum banléyu kenen ninum,

Dad Fngewe 22:9

Nun kafye di to too mlé, du nalelan i knaanan di dad to landè.

Dad Fngewe 19:17

I to kamdo i to landè, salngad ku mlé kenen di Dwata, na Dwata malas kenen.

Dad Fngewe 14:31

Ku bankutam i to landè, knangam Dwata i mimò kenen, bay ku tnabengam i to landè, mafè ge Dwata.

Dad Fngewe 14:21

Na balù simto mnang i to landè, gamsalà kenen, bay ku simto kamdo kenen nun kafyen.