Matyu 22:45 - Blaan Sarangani

⁴⁵ Na du katlo Dabid, i To Mgalék Dwata dunan Amu, na kan ku én katloyu kenen bel Dabid?”

Matyu 22:45 Referans Kwoze

Tafite 22:16

Na fadlug talù Dyisas, manan, “Agu sa Dyisas na tadekgu satu kasaligangu di gamu dad faglut di deg, du tmulen kenen i kdee ani fan gdohò. Agu sa i bel Harì Dabid. Na agu sa i blatik gal mneng smitong i lwa.”

Dyan 8:58

Na man Dyisas, “Tulengu gamu i kaglutan, di là fa sut Abraham tagnè nun agu.”

Hibru 2:14

Du gito dad ngà Dwata alò ito to, taman Dyisas fbaling to, du fye mati kenen duenan gito, du fagu di kfatin fnisanan Satanas i gumdà i fati.

1 Timoti 3:16

Too glut, landè fakay fkéng ku tan kdatah i kaglut tafgadè Dwata di gito dunan: Dyisas fbaling kenen to, tafite i Tulus Dwata glut kenen too tlu, teen kenen i dad kasaligan Dwata, nun tamdò gablà di kenen di dad to di dad banwe, nun faglut di kenen di tah tanà ani, na nket kenen ditù di banwe Dwata di langit.

Roma 9:5

Na too mdengeg i gutambulla di muna fa, na tambul Krayst di dale di kafbalingan to, na kenen Dwata mdatah di kdee. Too ito dmayen kenen landè gusenan. Amén.

Matyu 22:44

‘Man Amuito Dwata di Amugu, manan, “Fagotgu ge i kdee, taman sudeng ge dini gsen di kwanangu, kel di kagfisangu dad dmuen ge, na kafkahgu dale di dungan falel bliam.” ’

Matyu 22:46

Na landè to gamtimel kenen, na mdà di duh én talandè mayè smalek kenen.