Matyu 16:18 - Blaan Sarangani

¹⁸ Taman dnagitgu ge Fiter du gambet ge i mgal batu. Na di batu ani gufdakgu gumnègu, dunan i dad to faglut di deg. Na landè gamfisan dale, balù fati.

Matyu 16:18 Referans Kwoze

Kolosas 1:18

Na Krayst i ulu di lawehan, dunan i dad faglut di kenen, na kenen i mlé nawa di dale. Mdatah i glalan di kdee dad mto mdà di fati, du fye kenen alò mdatah di kdee.

Dyan 1:42

Na faginan Simon salu di ku Dyisas. Na meye Dyisas di ku Simon, na manan, “Ge sa Simon tingà Dyan, bay mdà ani Sifas i dagitam.” (Salngad gumtatek i dad dagit Sifas na Fiter, dunan batu.)

Hibru 12:28

Na taman, mlé ito fye di Dwata, du gakuf ito di kagot Dwata là gagan falmo. Na dnayenito kenen na fnangamfuito kenen fagu di kenen knayè gagin i kafeito na i klikoito,

Dad Nimò 2:47

Too ale dmayen Dwata na too ale nafè i dademe dad to. Na klit i duh nun dademe tnù di dad to faglut di ku Dyisas na galwà di dad salàla.

1 Timoti 3:15

du ken agu ganggà, na fagu di sulatgu ani gadeam tan kibò i dad to faglut fagu i ktola, du gadeam gito gumnè i too mto Dwata. Na gito gumgal i kaglut, du di gito sa gusmaligan i kaglut.

Ifisus 5:32

Na too mngalam i kaglut fgadè Dwata di gito di manan ani, na i kaglabatgu dun, i satlamin, dunan Krayst na kdee ito dad faglut di kenen.

Ifisus 3:10

du kayean fagu alò di kdee dad to faglut di ku Krayst, fiten di dad mdatah ganlal na dad mtulus ditù di langit ku tan kalbong kfulungan.

Dad Fngewe 24:7

I mngalam talù i to fulung faldam là glabat i to là fulung faldam, taman ku nun kastulen too mngalam, landè timelan du laan glabat.

Tafite 21:14

Nun sfalò lwe malbang batu gugafdak i bong labat ani. Na tagsulat di dad batu ani dagit i sfalò lwe dad to dek i Tingà Bilibili.

Dad Nimò 8:1

Na nagin Sol i ayè i dad to mati ku Stifan. Na di duh kfatila ku Stifan, dunan i katbù kaflayam i dad to faglut déén di syudad Dyérusalém. Na dee dad faglut, mila ale na sbalét di klamang dad banwe Dyudiya na Samériya, na alò i dad to gal dek Dyisas mtagak di Dyérusalém.

Salmo 9:13

Taman begam agu kando, Amugu Dwata, na fandamam i kagkahgu, du fanlayam agu i dad to mnang nawa deg. Ge i falwà deg di fati,

1 Timoti 3:5

Du i to là fulung mebe i dad to mnè di gumnean, tan i kiboan mebe i dad faglut di Dwata?

Galasya 2:9

Na Dyém, Fiter, na Dyan, i manla dad ulu i dademe déén, dnilèla dek agu Dwata mimò i nimò ani, taman dnawatla gami Barnabas i dademela di nimò Dwata. Sasatu i nawami gablà di nimòmi, dunan gami tamdò di lam i dad to ise Dyu, na ale tamdò di lam i dad to Dyu.

Matyu 18:17

Na ku laan ale fanlinge, tulenam di dad to faglut di kastifunyu. Na ku laan ale fanlinge, na i kibòyu kenen fsalngadyu di dad to là gmadè Dwata ku demen satu to gal mwè bayad buhis.”

Matyu 11:23

Na gamu dad to di banwe Kafernaum, mayè gamu fdatah i ktoyu kel di langit. Kabay fan bat gamu baling di lanaw lifoh. Ku tateen i dad to sasè di banwe Sodom i dad tnikeng tanimògu déén di gamu, là malmo banwela kel ani.

Matyu 10:2

Na ani dad dagit i sfalò lwe to galan dek, Simon i dnagitan ku Fiter, Andru i flanek Simon, Dyém, na i flanekan Dyan i dad ngà Sébidi,

Dyénésis 22:17

Ani i fakanggu, toogu mlé i kafye di ge, na toota ge fbel. Na i dad belam kadang, salngad kdee i dad blatik di langit, na salngad kdee i dad falak di kilil i mahin. Satu duh gfisan i dad belam i dad to dmuen dale, na ale baling kadang magot i dad banwela.

Tafite 11:15

Kafnge én, nyuf i gfitu kasaligan i kenen twang. Na di kagyufan dun nun dad mkit mdà di langit, na manla, “I glal magot i klamang banwe di tah tanà i gfun Amuito Dwata na i To Mgalékan, na kenen magot kel di landè sen.”

1 Korintu 15:55

Na manan fa, “I fati gfisan Dwata. I fati talandè enegan falmo.”

Salmo 107:18

Talandè ayèla kmaan balù tan bung gkaan, na tafan ale mati.

Salmo 127:5

nun kafye di to too dee, du laan gfisan di ksiten i dad dmuen kenen balù déén di gususayla.

Dyona 2:6

Ditù agu di gugafdak i dad bulul di gumngalaman, ditù di lam di banwe gumilanggù dad to mati, na landè gugalwàgu. Kabay Dwata i Amu, i Dwatagu tafalwaam agu di kfati.

Matyu 4:18

Na satu duh magu Dyisas di kilil i bong lanaw Galili, na teenan lwe lagi saflanek, Simon i dnagitla Fiter na Andru. Mukut ale di lanaw, du ale i dad to gal mwè nalaf.

Matyu 7:24

“Na taman kat to mlinge i dad tdògu na mimen dun, salngad ale di to too fulung faldam du déén gufdakan gumnean di bong batu.

Dad Nimò 20:28

Na tooyu neye i ktoyu, na i kdee dad faglut i tasalig i Mtiu Tulus di gamu du salngad ale dad bilibili. Na tooyu nifat i dad to fbaling Dwata dad ton fagu di kfati i Tingaan Dyisas.