Matyu 11:3 - Blaan Sarangani

³ du fsalekan ku Dyisas, manan, “Ge kè i to dek Dwata dini i sanfatanmi ku nun fa dademe fatanmi?”

Matyu 11:3 Referans Kwoze

Dyan 11:27

Tmimel Marta, manan, “Hae Amu, fnaglutgu ge i Tingà Dwata, dunan Krayst i Mgalék Dwata fakangan fsalu dini di tah tanà.”

Hibru 10:37

Tooito fantahà i nawaito fatan, du déén di Tnalù Dwata fsulatan, manan, “Tamdadong nan kakel i to galyu fatan, na too gdohò i ksalun dini.

Dyan 7:31

Kabay dee dademe to faglut Dyisas i Mgalék Dwata, du manla, “Too glut Mgalék Dwata to ani du landè kè dademe to gmagan mimò i dad tnikeng mgimoan.”

Dyan 6:14

Di kite i dad to i tnikeng nimò Dyisas ani, manla, “Ani sa tugad Dwata sanfatanito dekan di tah tanà.”

Dyénésis 3:15

Sanduengu gamu, ge na i libun, na i dad belan, na i dad belam, na mbaling gamu snang nawa kel di atuan. I belan ndakan kadang i ulum, na nakétam i takadan.”

Dyan 16:14

Fiten i kdatahgu du fgadean di gamu i tnalùgu.

Dyan 12:13

Na nwèla dad taglang falmira, na lamwà ale smitong kenen, na tamlo ale, manla, “Dnayenito Dwata! Too nun kafye i to salu dini mebe i glal Amuito Dwata. Kenen i Harì dad bel Israél.”

Dyan 4:21

Na man Dyisas di kenen, “Libun, fye ku faglut ge i mangu ani, tamdadong i bang ise alò bulul ani ku demen Dyérusalém gumangamfùyu di Maito Dwata.

I Fye Tulen gablà ku Dyisas Krayst i Sulat Luk 19:38

“Too nun kafye i harì salu dini mebe i glal i Amuito Dwata. Nun ktanak nawa fdu di langit blé Dwata di dad to. Dnayenito Dwata i too mdatah!”

Mark 11:9

Na tamlo dad to di muna na tmimel dad to di fulé, manla, “Dnayenito Dwata! Too nun kafye i to salu dini mebe i glal Amuito Dwata!

Matyu 21:9

Na tamlo i dad to di muna Dyisas, na tmimel dad to di fulé, manla, “Dnayenito i bel Harì Dabid. Too nun kafye i to salu dini mebe i glal Amuito Dwata. Dnayenyu Dwata kdeeyu mnè di tah langit!”

Matyu 21:5

“Fgadeam dad to di Sion, manam, ‘Neyeyu, du fan kel di gamu i Harìyu. Fdanaan i kton na smakay kenen di dongki, tingà dongki i snakayan.’ ”

Salmo 118:26

Too nun kafye i to salu dini mebe i glal Amuito Dwata, mlé gami kafye di gamu dini di Bong Gumnè Dwata.

Dyénésis 12:3

Banlégu kadang kafye i dad to fafye ge, bay dnuengu balù simto dmuen ge. Fagu di ge blégu kafye di kdee dad to di klamang banwe.”

Matyu 11:4

Tmimel Dyisas, manan, “Samfulê gamu di ku Dyan na tulenyu kenen i kdee lingeyu na teenyu dini.

Matyu 11:10

du Dyan ani i to gman Dwata di Tnaluan, manan, ‘Dekgu i saliggu muna di ge, du fatlagad i dalanam na fgadè i kakelam.’