Matyu 1:1 - Blaan Sarangani

¹ Ani gugsulat i gutambul Dyisas Krayst, i bel Harì Dabid, na i bel Abraham di muna fa.

Matyu 1:1 Referans Kwoze

Dyénésis 22:18

Na fagu di dad belam, mlé agu kafye di kdee dad to, du tanimenam i katedgu ge.”

Galasya 3:16

Na salngad én fakang Dwata ku Abraham na i satu belan. Ise man Tnalù Dwata ku én fnakangan i dee bel Abraham, bay én balingan man, “Nun fakanggu di satu belam.” I kayean man alò satu bel gumakangan, dunan Krayst.

Roma 1:3

Na Fye Tulen ani i gablà di Tingaan Dyisas Krayst, i fbalingan to. Én gutambulan di ksutan dini di tah tanà, dunan Harì Dabid.

Tafite 22:16

Na fadlug talù Dyisas, manan, “Agu sa Dyisas na tadekgu satu kasaligangu di gamu dad faglut di deg, du tmulen kenen i kdee ani fan gdohò. Agu sa i bel Harì Dabid. Na agu sa i blatik gal mneng smitong i lwa.”

Salmo 132:11

Tatoo ge makang di ku Dabid, na laam nawì i fakangam, i tagmanam, “Nimògu harì satu di dad ngaam, na kenen i harì tmadol di ge.

Dyan 7:42

du là kè gsulat di Tnalù Dwata, na i Mgalék Dwata dunan satu bel Harì Dabid na sut kenen di banwe Bétléhém di gumnè Dabid?”

Dyénésis 12:3

Banlégu kadang kafye i dad to fafye ge, bay dnuengu balù simto dmuen ge. Fagu di ge blégu kafye di kdee dad to di klamang banwe.”

Dad Nimò 2:30

Kabay kenen satu tugad Dwata na gadean tatoo makang Dwata nun satu to mdà di bel Dabid fanbalingan harì.

Matyu 1:18

Ani i santulen gablà di ksut Dyisas Krayst. Yéan, Méri, bliwal satu to dnagit Dyosif, bay di là ale fa sdeme gadean tamaltien kenen fagu di Mtiu Tulus Dwata.

Roma 9:5

Na too mdengeg i gutambulla di muna fa, na tambul Krayst di dale di kafbalingan to, na kenen Dwata mdatah di kdee. Too ito dmayen kenen landè gusenan. Amén.

Roma 4:13

Na di muna fa, di kfakang Dwata di ku Abraham na di dad belan ale mfun klamang banwe, fakangan ise mdà di kimen Abraham i flalò, bay du faglut kenen di Dwata na mdà di kafaglutan, man Dwata matlu kenen di kiten.

Matyu 15:22

Na nun mnè déén satu libun ise Dyu mdà di banwe Kanaan. Na salu kenen di ku Dyisas, na toon falbong i taluan fakdo ku Dyisas, manan, “E Amu, bel Harì Dabid, kandom agu, du too maflayam tingàgu libun du nun busawan.”

Matyu 9:27

Na mdà ale Dyisas di banwe atù, na slengla magu nun lwe lagi butè tmadol ku Dyisas. Tlola kenen, manla, “E bel Harì Dabid, begam gami kando.”

Dyénésis 2:4

Én sa i santulen gablà di kgimò Dwata i langit na i banwe. Di kimò Dwata i Amu, i langit na banwe,

Matyu 3:16

Na di kafnge munyag, matun Dyisas mdà di yéél. Na mgukà i langit na teenan i Tulus Dwata fdanà na mdaf di kenen gambet abun.

Salmo 89:36

Too glut nun harì mdà di belan kel di landè sen, na fkelgu i kagotan di klo i duh.

Salmo 89:3

Tagmanam, “Tanimògu i fakang di mgalékgu, i saliggu Dabid; na ani fakanggu di kenen, mangu,

Matyu 1:2

Abraham i mà Isaak, Isaak i mà Dyékob, Dyékob i mà Dyuda na dad flanekan,

I Fye Tulen gablà ku Dyisas Krayst i Sulat Luk 1:33

Na kenen mebe i dad bel Dyékob kel di landè sen, landè gusen i kagotan.”

1 Timoti 2:5

Du alò satu glut Dwata, na alò satu smafye Dwata na i dad to, i To ani dunan Krayst Dyisas,

2 Timoti 2:8

Na Timoti, nangam nlifet i galgu tdò mdà di Fye Tulen, dunan Dyisas Krayst tamték mdà di fati, na kenen bel Dabid.