Mark 8:17 - Blaan Sarangani

¹⁷ Kabay gadè Dyisas gsalà kaglabatla, taman manan di dale, “Kan ku stulen gamu gablà di làyu kgebe fan? Là gamu fa gamlabat kel ani? Mgal kè uluyu?

Mark 8:17 Referans Kwoze

Mark 6:52

Hae, du balù tateenla tnikeng nimò Dyisas di fan, knean là ale gamlabat du mgal ulula.

Mark 2:8

Kabay gadè Dyisas i kdee mnè di nawala, na manan di dale, “Kan ku én fandamyu làgu gagan mimò dun?

Mark 3:5

Na keye Dyisas di dale too kenen flabè na mlidù fa du too mgal ulula. Na kafnge én, man Dyisas di to kengkeng kmalan, “Bankem kmalam.” Na banken sa, na di kabken dun, tamgulê.

Tafite 2:23

Na fafatigu i dad mlalò kenen, du fye gadè i kdee dad to faglut di sahal banwe agu i gmadè ku tan i mnè di fandam na nawa i dad to, na agu kadang malas i dad mgimòla balù fye demen sasè.

Dyan 21:17

Na lêman smalek Dyisas di gatlun dulê, “Simon, tingà Dyan, glut bong nawam deg?” Na too mlidù Fiter, du tatlu dulê smalek Dyisas ku too bong nawan kenen. Taman man Fiter di ku Dyisas, “E Amu, gadeam sa kdee, na gadeam sa bong nawagu ge.” Na man Dyisas di kenen, “Toom nifat dad bilibiligu.

Dyan 16:30

Na tagadèmi nan, gadeam i kdee balù i mnè di fandam i dad to. Taman balù là gami smalek du tafalam gadè i fandammi. Én gumdàmi faglut, mdà ge di Dwata.”

I Fye Tulen gablà ku Dyisas Krayst i Sulat Luk 24:25

Na man Dyisas di dale, “Tay, là gamu fulung faldam, na too gamu léét faglut i kdee gman dad tugad Dwata!

Mark 16:14

Kafnge én, fite Dyisas i kton di dad sfalò satu gal mlalò kenen slengla kmaan. Na tnaluan ale du kulang i kafaglutla na mgal i ulula, du talà ale faglut i man dad mite kenen kafngen mték.

Matyu 15:17

Làyu kè glabat, i fusuk di bà i satu to salu di tienan na fles lamwà di lawehan?

Matyu 12:15

Na du gadè Dyisas i ayè dad Farisi mati kenen, taman mdà kenen di banwe én. Kabay too dee dad to mlalò kenen na fanguléan i kdee dad to déén i nun tduk.

Matyu 16:7

Na là ale gamlabat taman stulen ale, manla, “Manan én kè du landè fan nebeito.”

Mark 8:16

Na là ale gamlabat, taman stulen ale, manla, “Én kè manan, du landè fan nebeito.”