Mark 6:48 - Blaan Sarangani

⁴⁸ Na teen Dyisas too maflayam dad gal mlalò kenen kamwa awengla du gsitongla i too mgal nus. Taman tamayè mwal salu Dyisas di dale tatì magu di tah lanaw, na tafanan ale nlius.

Mark 6:48 Referans Kwoze

I Fye Tulen gablà ku Dyisas Krayst i Sulat Luk 24:28

Na di kagdadongla di tukay banwe gusalula, fan fadlug Dyisas magu.

I Fye Tulen gablà ku Dyisas Krayst i Sulat Luk 12:38

Na balù ku tngà butang ku demen too flafus kakelan, too nun kafye i dad salig i gatlagad di kakelan.

Dyan 1:13

Là ale mbaling dad ngà Dwata fagu di kngà i to di tah tanà, ku demen fagu di knayè i to, ku demen fagu di nimòla, bay Dwata i mimò dale i dad ngaan.

Matyu 14:24

Kabay di bang én, mawag di kilil lanaw i aweng dad gal mlalò kenen na glumfak lwek i awengla du gsitongla i nus.

Salmo 104:3

Tanimoam i gumneam ditù gsen di tah i dad nun yéél di langit. Én snakayam i dad labun na i mgal nus mebe ge salngad di fafak i anuk di bnas.

Salmo 93:4

Kabay Amugu Dwata ditù di langit, too mgal i kagotam i kdee, mgal fa di luk i dad malbang yéél, mgal fa di malbang lwek di mahin.

Dyénésis 32:26

Na man i to én, “Kaham agu du fan mwal.” Kabay tmimel Dyékob, manan, “Silangta ge kah, ku funa ge mlé deg kafye.”

Dyénésis 19:2

“Lew, begyu slob di gumnègu. Smulu agu du falobyu i blìyu, na ditù i gukudangyu, na fakayyu fadlug di kaguyu fayah flafus.” Kabay tmimel ale, manla, “Too fye di ge, bay balù tadini di lwà i gal guftud dad to magu, ani i gukudangmi.”

Éksodus 14:24

Di là fa mwal, lngalung Dwata i Amu mdà di lifoh na labun di dad sundalu i Idyif, na snamukan ale.

Matyu 24:43

Ani fandamyu, ku tagadè i mfun gumnè i bang kakel i to tmaku, laan kudang bay fgeye du fye là gfusuk i to tmaku di gumnean.

Mark 6:47

Di kbutangan, ditù fa i aweng dad gal mlalò kenen di talà lanaw, na Dyisas aloan satu gtagak di kilil.

Mark 6:49

Kabay di kitela kenen tatì magu di tah lanaw, làla dilè, na man nawala lmagol kenen. Na mkit ale,

Mark 13:35

Taman too gamu fgeye salngad dad salig gine, du làyu gadè ku kilen kasfulêgu, i mfun i gumnè, ku flabi, demen tngà butang, demen takamleet i anuk, ku demen di ksut i duh. Taman too gamu fgeye,