Mark 5:23 - Blaan Sarangani

²³ du fakdo kenen, manan, “Tafan mati tukay tingàgu libun, bay beg ge magin deg ditù, na nagotam kenen du fye mgulê na mto fa.”

Mark 5:23 Referans Kwoze

I Fye Tulen gablà ku Dyisas Krayst i Sulat Luk 13:13

Na nagotan kenen, na tatì gafatlu tadag, na dnayenan Dwata.

I Fye Tulen gablà ku Dyisas Krayst i Sulat Luk 4:40

Di kasdaf i duh, nebe i dad to déén di ku Dyisas i dademela fandas. Na fkahan i kmalan di kat satu dale, na mgulê kdeela mdà di kdee bung tdukla.

Mark 16:18

Na ku gagotla ulad ku demen ginumla makakilu, là ale mati. Na magot ale i dad to nun tduk, na mgulê ale.”

Dad Nimò 28:8

Na di bang ani, milè mà Fubliyus du minit i lawehan na milong litè. Na fusuk Fol di sibayan na dnasalan, na fkahan i falelan di kenen na fanguléan.

I Fye Tulen gablà ku Dyisas Krayst i Sulat Luk 4:38

Na mdà Dyisas di gal gusatdò dad Dyu du salu di gumnè Simon. Na fandas i tewe Simon libun du too minit i lawehan, na én duenla mni tabeng di ku Dyisas.

Mark 8:23

Na nagot Dyisas sigal i to butè na nalakan kenen lamwà di tukay banwe én, na dnulaan dad matan. Na di kafkahan kmalan di to én, snalekan, manan, “Nun teenam?”

Mark 7:32

Na i dad to déén nebela satu to bakong na malima ktaluan di ku Dyisas. Na fnila ku nagot Dyisas kenen fye mgulê.

I Fye Tulen gablà ku Dyisas Krayst i Sulat Luk 7:12

Kagdadongla di bà gufusuk di labat i lunsud, nun gsitongla dademe dad to mebe i to mati lamwà. I to mati, dunan lagi, na i sen tingà i satu libun balu. Na nun magin i balu dee dad to mdà di lunsud.

Mark 6:13

Na falwàla dee busaw di dad to, na nihokla fngalo i dad to nun tduk du fangulêla ale.

Matyu 8:3

Na nagot Dyisas kenen, manan, “Mayè agu sa. Mgulê ge nan.” Na too glut, tamgulê i tfigan.

Salmo 107:19

Bay di knèla fa di sasè kagkahla tlola Amuito Dwata, na falwaan ale di kaflayamla.

Dad Nimò 9:17

Taman salu Ananayas di gumnè Sol, na fusuk kenen déén na fkahan i falelan di ku Sol, na manan, “E flanekgu Sol, i Amuta Dyisas dunan i msut di ge ditù di dalan gumagum salu dini, kenen sa mdek deg dini, du fye mite ge lêman na fye fnò ge i Mtiu Tulusan.”

Dad Nimò 6:6

Na di kgalék i dad fitu lagi, nebela di dad to gal dek Dyisas na fkahla i dad falella di dad to mgalék, du dnasalla.

Dyan 11:3

Na nun to dek i lwe libun ani salu di ku Dyisas du man di kenen, “Amu, fandas Lasarus i toom kando.”

Mark 5:24

Taman magin Dyisas kenen. Na too dee dad to magin ku Dyisas, tatì sgat dad to magu.

Dad Nimò 8:17

Na fkah Fiter na Dyan falella di dad to én, na gamdawat ale i Mtiu Tulus Dwata.

Dad Nimò 9:12

na nun kanteenan satu to dnagit ku Ananayas salu déén di kenen, du fkahan i falelan di kenen, du fye lêman mite.”