Mark 2:25 - Blaan Sarangani

²⁵ Kabay tmimel Dyisas dale, manan, “Kan kè. Làyu lmen masa gablà di nimò Harì Dabid du mdà di kliduan na kbitilan na kbitil i dademen?

Mark 2:25 Referans Kwoze

I Fye Tulen gablà ku Dyisas Krayst i Sulat Luk 10:26

Na tmimel Dyisas, manan, “Tan i gman di flalò Dwata? Tan i kaglabatam dun?”

Mark 12:26

Na gablà di fnaglutyu i là mték dad to mati, làyu kè lmen masa i gsulat Mosis gablà di kayu dminè du ditù gugsulat i gman Dwata di ku Mosis, manan, ‘Agu i Dwata fnangamfù Abraham, Isaak, na Dyékob.’

Mark 12:20

Na di muna kun, nun fitu lagi saflanek. Na mwè yaan i twege, bay mati na landè tingàla.

Matyu 22:31

Na gablà di fnaglutyu i là mték dad to mati, làyu kè lmen masa i man Dwata di gamu?

Matyu 21:42

Na man Dyisas di dale, “Làyu kè bnasa i man Dwata di Tnaluan? Manan, ‘I batu too knang i dad to fdak gumnè, du di dale fandam landè gukmamu dun, én baling i batu too mabtas di kdee. Hae, ani mgimò i Amuito Dwata, na di kitemi, too gamtikeng i nimoan.’

Matyu 21:16

Taman smalek ale ku Dyisas, manla, “Laam kè linge i manla?” Na tmimel Dyisas, manan, “Hae sa. Làyu kè bnasa i man di Tnalù Dwata, manan, ‘Tdoam dad ngà, balù dad too malnak ngà dmayen kdataham?’ ”

Matyu 19:4

Na tmimel Dyisas, manan, “Làyu kè bnasa gablà di nimò Dwata di katbuan di kimoan i banwe, du nimoan satu lagi na satu libun,

Matyu 4:2

Na di fat falò duh na butang là kmaan Dyisas, taman too bitil kenen.

Mark 2:24

Na di kite i dad Farisi dun, manla di ku Dyisas, “Neyem dad gal mlalò ge. Kan ku kamtu ale di Duh Kaftud? Là fakay sa, du fnang Dwata di flalò blén fagu di ku Mosis.”

Mark 2:26

Là kenen fansalà Dwata balù fusuk kenen di lam Gumnè Dwata na nwean i fan blé di Dwata, na blén di dad ton, na kdeela kmaan. Na blaam én alò fakay kmaan dun dad baito di Dwata. Mgimò ani di bang Abiatar gumdatah dad bà di Dwata.”