Mark 15:14 - Blaan Sarangani

¹⁴ Kabay man Filat, “Kan? Tan salaan?” Kabay baling matnù kakitla, manla, “Flansangam kenen di krus!”

Mark 15:14 Referans Kwoze

I Fye Tulen gablà ku Dyisas Krayst i Sulat Luk 23:41

Na gite, gablà nukum di fati mdà di sasè nimòta, bay i to ani, landè salaan.”

1 Fiter 1:19

bay i sò gamu, dunan i too mabtas litè Krayst. Salngad kenen tingà bilibili too landè gukulangan dsù di Dwata.

Hibru 7:26

Taman Dyisas i mdatah baito di Dwata, na too nun gukmamuito kenen, du too kenen gmagan tmabeng gito, du too landè salaan, na laan gsalà. Na laan gambet i dad to, du ale gamsalà. Na kenen fdatah Dwata di kdee di langit.

Dad Nimò 19:34

Kabay di kdilèla na Dyu kenen, baling ale salngan mkit kel di lwe uras, manla, “Mdatah Artimas i dwata fnangamfù i dad to di Ifisus.”

Dyan 19:6

Kabay di kite dad ulu dad bà di Dwata na dad saligla munung ku Dyisas, mkit ale lêman, manla, “Flansangam kenen di krus! Flansangam kenen di krus!” Kabay man Filat di dale, “Gamu mlansang kenen di krus. Landè sa teengu salaan.”

Dyan 18:38

Na man Filat, “Tan i kaglut manam én?” Na di kagman Filat ani, lêman kenen lamwà salu di dad Dyu gine, na manan, “Landè teengu salà di to ani.

I Fye Tulen gablà ku Dyisas Krayst i Sulat Luk 23:47

Na di kite i ulu i dad sundalu dun, dnayenan Dwata, na manan, “Too glut, i to ani, landè salaan.”

I Fye Tulen gablà ku Dyisas Krayst i Sulat Luk 23:21

Kabay too ale mkit, manla, “Flansangam kenen di krus! Flansangam kenen di krus!”

I Fye Tulen gablà ku Dyisas Krayst i Sulat Luk 23:4

Na talù Filat di dad ulu i dad bà di Dwata, na di kdee dad to déén, manan, “Landè teengu salà di to ani.”

Matyu 27:54

Na i kafitan dad sundalu na dad sundalu magin kenen di kunungan ku Dyisas, lyola i bong linol, na teenla i kdee mkel, taman too ale likò, na manla, “Too glut, kenen i Tingà Dwata.”

Matyu 27:19

Na di sleng Filat sudeng di gal gumukum nun febe i yaanan kenen fngewe, manan, “Nangam fanlayam i to én, du landè salaan. Hae, du malbutang kamna agu na too msamuk i nawagu gablà di kenen.”

Matyu 27:4

manan, “Gamsalà agu di kablégu i to landè salà di fati.” Na tmimel ale, manla, “Landè labetmi gami. Ge salà én!”

Mark 15:13

Na mkit ale, manla, “Flansangam di krus!”

Mark 15:15

Taman nagin Filat knayè i dad to, na falwaan Barabas. Kabay Dyisas, funan too faskél, na kafnge én, blén di dad sundalun du flansang di krus.

Dad Nimò 13:28

Na balù landè teenla salà fakayla kenen nukum di fati, fnila di ku Filat du fye toon fafati.