Mark 12:15 - Blaan Sarangani

¹⁵ Nun kaglutmi mayad dun ku demen landè?” Kabay gadè Dyisas alò flingu mimò fye i dad to ani, na kayèla kamfè kenen, taman snalekan ale, “Kan ku tilewyu agu fnawel? Nebeyu deg satu filak galyu bayad buhis du neyegu.”

Mark 12:15 Referans Kwoze

Tafite 2:23

Na fafatigu i dad mlalò kenen, du fye gadè i kdee dad to faglut di sahal banwe agu i gmadè ku tan i mnè di fandam na nawa i dad to, na agu kadang malas i dad mgimòla balù fye demen sasè.

Hibru 4:13

Landè balù satu di kdee mgimò Dwata di tah tanà gbuni di kenen, teenan i kdee, na di kenen gutmimelito i kdee mgimoito.

1 Korintu 10:9

Nangito tnilew Dwata, du én nimò i dad gutambulito, fadlug ale mimò sasè, na neyela ku fanlayam ale Dwata. Na fanlayaman ale du fakétan ale i ulad na mati ale.

Dad Nimò 5:9

Taman man Fiter di kenen, manan, “Kan ku sansatuyu i nawayu du fye tnilewyu i Tulus Dwata? Neyem, i dad lagi lambang i yaanam gine tadéén di takab ani, du lêla ge santiang.”

Dyan 21:17

Na lêman smalek Dyisas di gatlun dulê, “Simon, tingà Dyan, glut bong nawam deg?” Na too mlidù Fiter, du tatlu dulê smalek Dyisas ku too bong nawan kenen. Taman man Fiter di ku Dyisas, “E Amu, gadeam sa kdee, na gadeam sa bong nawagu ge.” Na man Dyisas di kenen, “Toom nifat dad bilibiligu.

I Fye Tulen gablà ku Dyisas Krayst i Sulat Luk 20:23

Kabay gadè Dyisas i salekla alò dalanla mawel kenen, taman manan,

Mark 10:2

Na nun dad Farisi salu di kenen du neyela dalan dmalam kenen, taman smalek ale, manla, “Fakay dé di flalò blé Dwata ku kahito yaanito?”

Matyu 22:18

Kabay gadè Dyisas i duenla smalek ani, taman manan, “Gamu dad to flingu mimò fye, kan ku tilewyu agu fnawel?

Matyu 20:2

Na i kastulenla i tagnè taden di sduh na tamastandè ale, taman fimoan ale di tanaan.

Mark 12:14

Na salu ale di ku Dyisas, na manla di kenen, “To Tamdò, gadèmi ge satu to là tmulen kéng. Tamdò ge i kaglut gablà di knayè Dwata, du laam fkah di nawam i man dad to gablà di ge, na là mabtas di ge ku tan glalla. Taman nun snalekmi ge. Fakay dé di flalò blé Dwata fagu di ku Mosis ku mlé gami bayad buhis di ku Sisar, gumdatah di banwe Roma?

Mark 12:16

Na nebela di kenen satu filak. Na snalekan ale, manan, “Simto kè baweh na dagit i gkah di filak ani?” Na manla, “Ku Sisar.”

Dyan 8:6

I duenla man ani du tnilewla Dyisas du kayèla banlé kenen salà. Kabay kudung Dyisas, na sulatan i tnaloan di tanà.