Mark 10:41 - Blaan Sarangani

⁴¹ Na di kaklinge i dademe sfalò gal mlalò ku Dyisas i fni dademela ani, flabè ale ku Dyém na Dyan.

Mark 10:41 Referans Kwoze

Filifos 2:3

Na nangyu ku én i funayu fandam i gamu knayè, na nangyu fdatah i ktoyu, bay balingyu fdanà, na fandamyu i dademe to mdatah fa di gamu kto.

Roma 12:10

Sakdo gamu dad faglut di ku Krayst, du saflanek gamu, na too gamu safè.

Dad Fngewe 13:10

I to fdatah i kton, landè dademe gukelan ku là samuk, bay i to flinge i fngewe, kenen fulung faldam.

Dyém 4:5

Nangyu fandam landè btas i gman di Tnalù Dwata, manan, “I Tulus Dwata tafnean di nawaito, kayean ku alò di kenen gumléito i ktoito.”

I Fye Tulen gablà ku Dyisas Krayst i Sulat Luk 22:24

Na baling sbulaw i dad gal mlalò ku Dyisas ku simto di dale i mdatah.

Matyu 20:24

Na di kaklinge i dademe sfalò gal mlalò ku Dyisas i fni dademela ani, flabè ale di lwe saflanek ani.

Mark 10:42

Kabay tlo Dyisas kdeela di safédan, na manan di dale, “Tagadèyu i gal nimò i dad ganlal dad to di tah tanà ani. Toola bankut dad to gdanà di dale. I dad to nun glal, toola gal dek i dad to.

I Fye Tulen gablà ku Dyisas Krayst i Sulat Luk 22:25

Na man Dyisas di dale, “I dad harì dini di tah tanà, toola bankut i dad to mdanà di dale, bay knean kayè i dad ganlal ani ku én gal katlo i dad to dale, dunan i dad gal tmabeng.