I Fye Tulen gablà ku Dyisas Krayst i Sulat Luk 9:19 - Blaan Sarangani

¹⁹ Tmimel ale, manla, “Man dademe, ge kun Dyan Gal Munyag. Man dademe, Ilaydya, ku demen satu di dademe tugad Dwata mték mdà di fati.”

I Fye Tulen gablà ku Dyisas Krayst i Sulat Luk 9:19 Referans Kwoze

Dyan 1:21

Na snalekla kenen, manla, “Kabay, simto ge? Ge kè Ilaydya?” Manan, “Ise.” Na snalekla, manla, “Ge kè i Tugad Dwata fatanmi?” Tmimel kenen, manan, “Ise.”

Mark 6:15

Kabay man dademe gablà ku Dyisas, “Kenen Ilaydya, tugad Dwata tasamfulê.” Na man dademe, “Dyisas ani, satu tugad Dwata salngad tugad Dwata di muna fa.”

Matyu 14:2

Na manan di dad saligan, “Dyisas ani, dunan Dyan Gal Munyag tamték mdà di fati, na én duen too kenen mtulus.”

Dyan 9:17

Taman lêmanla snalek i to butè manla, “Tan manam gablà di to én, du manam tafanguléan i matam?” Na tmimel i to butè, manan, “Kenen sa satu tugad Dwata.”

Dyan 7:40

Kaklinge dad to i man Dyisas ani là salngad i fandamla, man i dademe, “Too glut, i to ani dunan i Tugad Dwata fatanito.”

Dyan 1:25

Na snalekla kenen, “Ku ise ge i Mgalék Dwata ku demen Ilaydya, ku demen i Tugad Dwata fatanmi, na kan ku gal ge munyag?”

Matyu 3:1

Na di file fali kubu, nun to dnagit ku Dyan Gal Munyag kel di banwe landè to mnè déén glam di banwe Dyudiya na tdoan i dad to salu déén di kenen.

Mark 6:14

Na linge Harì Hérod gablà di kdee nimò Dyisas, du tatoo mdengeg i dagit Dyisas. Man i dademe to kun, “Dyisas, dunan Dyan Gal Munyag tamték mdà di fati, na én duen too kenen mtulus.”

I Fye Tulen gablà ku Dyisas Krayst i Sulat Luk 9:18

Di satu duh, dmasal Dyisas aloan satu. Na i dad mlalò kenen mdadong ale déén. Kafngen dmasal snalekan ale, manan, “Tan man i dad to? Simto agu kun?”

I Fye Tulen gablà ku Dyisas Krayst i Sulat Luk 9:20

Na man Dyisas di dale, “Kabay gamu, tan i manyu? Simto agu kè?” Na tmimel Fiter, manan, “Ge sa Krayst, i Mgalék Dwata mebe i kagotan.”