I Fye Tulen gablà ku Dyisas Krayst i Sulat Luk 9:11 - Blaan Sarangani

¹¹ Kabay di kgadè i dad to i gusalu Dyisas, mlalò ale kenen. Na toon ale dnawat, na tmulen kenen gablà di kagot Dwata, na fanguléan dademe di dale i nun tduk.

I Fye Tulen gablà ku Dyisas Krayst i Sulat Luk 9:11 Referans Kwoze

Hibru 4:16

Taman du tanun mdatah baito di Dwata, nang ito gdè salu di kenen fagu di kdasalito du dnawatan ito. Hae, toon ito kando na tnabengan ito ku nun tilew gito.

2 Timoti 4:2

Too ge fgal tamdò Tnalù Dwata balù tan duh dun, na balù ku nun mayè flinge demen landè. Na toom faglabat di dad to, tdoam i gugsalàla, tangalam nawala mimò fye, na fantahaam nawam tamdò dale.

Roma 15:3

Du balù Krayst laan fandam i kenen knayè, du nun gman di Tnalù Dwata gman Krayst di Dwata, manan, “I dad sasè talù i dad to madoy ge, lê tadè di deg.”

Roma 10:14

Kabay tan i kibò i dad to mni tabeng di kenen, ku là ale fa faglut? Na tan i kibòla faglut ku là ale fa mlinge i Fye Tulen gablà di kenen? Na tan i kibòla mlinge, ku landè tamdò dun di dale?

Dad Nimò 28:31

Na too nun klabè i nawan na landè gablabal di katdoan gablà di kagot Dwata na i kaglut gablà di Amuito Dyisas Krayst.

Dyan 6:37

I kdee dad to blé Màgu di deg salu ale di deg. Na balù simto i salu di deg làgu kenen fnang.

Dyan 4:34

Na man Dyisas di dale, “Én deg knaan dunan i kimengu i knayè Mà, i mdek deg, na i kafngegu i fimoan deg.

I Fye Tulen gablà ku Dyisas Krayst i Sulat Luk 9:2

Na dekan ale lamngab tmulen gablà di kagot Dwata na fgulê i dad to fandas.

I Fye Tulen gablà ku Dyisas Krayst i Sulat Luk 8:10

Na man Dyisas, “Faglabatgu gamu i dad gbuni gablà di kagot Dwata. Kabay di dademe dad to, fagu di fléd i dad tdògu dale, du fye ‘balù ku meye ale, là ale mite, na balù ku mlinge ale, là ale gamlabat.’

I Fye Tulen gablà ku Dyisas Krayst i Sulat Luk 8:1

Na kafnge én, mdà Dyisas magu salu di dademe dad syudad na dee malnak banwe du samtulen i Fye Tulen gablà di kagot Dwata. Na magin i sfalò lwe gal mlalò kenen.

I Fye Tulen gablà ku Dyisas Krayst i Sulat Luk 5:31

Kabay Dyisas tmimel dale fagu di fléd, manan, “Hae, du i dad to nun tduk nun gukmamu i to mulung. Kabay i dad to landè tduk, landè gukmamu i to mulung.

I Fye Tulen gablà ku Dyisas Krayst i Sulat Luk 1:53

Tafabsolan i dad to bitil fagu di dad fye blén di dale, bay fuléan i dad to bong knun na landè blén dale.

Matyu 21:43

“Taman tulengu gamu, i kagot Dwata nawì mdà di gamu na blé di dad to mimò knayean.

Matyu 21:31

Na di lwe dad ngà ani, simto i mimen knayè i màla?” Na tmimel ale, manla, “I twege.” Na man Dyisas, “Hae, na tulengu gamu i kaglutan, i dad to sasè, gambet i dad to mwè bayad buhis na i dad libun mkat lagi, muna fa di gamu fusuk di kagot Dwata.

Matyu 14:14

Di ktufa Dyisas mdà di aweng, teenan i dee dad to déén. Na toon ale kando na fanguléan i dad to nun tduk.

Roma 10:17

Taman là faglut i dad to ku làla funa linge i glut tdò dunan i Fye Tulen gablà ku Dyisas Krayst.

Matyu 12:15

Na du gadè Dyisas i ayè dad Farisi mati kenen, taman mdà kenen di banwe én. Kabay too dee dad to mlalò kenen na fanguléan i kdee dad to déén i nun tduk.

I Fye Tulen gablà ku Dyisas Krayst i Sulat Luk 9:10

Di kasfulê i dad to dek Dyisas tamdò, santulenla di kenen i kdee mgimòla di kagula. Na kafnge én, faginan ale salu di satu lunsud dnagit Bétsayda, alò ale.

I Fye Tulen gablà ku Dyisas Krayst i Sulat Luk 9:12

Na di tafan kasdaf i duh, salu i dad sfalò lwe gal mlalò ku Dyisas di kenen, na manla, “Taflabi sa nan. Fye ku fdaam i dad to, du fye mngabal ale gumilèla na knaanla di dad malnak banwe mdadong dini, du landè gumwèla dini du landè to mnè dini.”