I Fye Tulen gablà ku Dyisas Krayst i Sulat Luk 8:8 - Blaan Sarangani

⁸ Kabay i dademe bnê sabul di gufye tanà tmabò, na di kbungela mlatu i bong uléan.” Kafnge Dyisas tmulen i fléd ani, falbongan i taluan, manan, “Flinge gamu ku nun klingeyu!”

I Fye Tulen gablà ku Dyisas Krayst i Sulat Luk 8:8 Referans Kwoze

Matyu 11:15

Taman flinge gamu ku nun klingeyu!”

Tafite 2:11

“ ‘Ku nun klingeyu, too gamu flinge i gman Tulus Dwata di gamu dad to faglut. Na i dad to gamfisan i dad sasè mkel di dale di klalòla deg, là ale gmaslok i galwe fati, dunan là ale gagin di kaflayam landè sen.’ ” Ani man Dyisas di dad faglut di banwe Smirna.

Tafite 2:7

“ ‘Ku nun klingeyu, too gamu flinge i gman Tulus Dwata di gamu dad to faglut. Na i dad to gamfisan i dad sasè mkel di dale di klalòla deg, fankaangu ale kadang i bunge kayu mlé nawa landè sen. Na déén gumnè i kayu ani di banwe Dwata di langit.’ ” Ani man Dyisas di dad faglut di banwe Ifisus.

Mark 4:20

“Kabay i fye tanà gusmabul i dademe bnê, dunan dad to mlinge Tnalù Dwata na dmawat dun, na too nun kbungen di nawala. Nun tlu falò uléan, dademe nam falò, na dademe mlatu.”

Mark 4:8

Kabay dademe bnê sabul di gufye tanà, na midul ktaboan na midul kafye lnokan, taman too munge. Nun dademe tlu falò uléan, dademe nam falò, na dademe mlatu.”

Matyu 13:23

Kabay i fye tanà gusmabul i dademe bnê, dunan i dad to mlinge na gamlabat Tnalù Dwata, na too nun uléan di nawala, nun mlatu i uléan, na dademe nam falò, na dademe tlu falò.”

Dad Fngewe 20:12

Dwata mlé gito klinge, du fye flingeito, na mata, du fye neyeito.

I Fye Tulen gablà ku Dyisas Krayst i Sulat Luk 8:15

Kabay i fye tanà gusmabul i bnê, dunan i dad to tamlinge i Tnalù Dwata, i too dmawat na fkah dun di nawala, na fadlug di kimenla kel di too nun bungen.”

Dad Fngewe 8:1

Flinge gamu, du i kfulung na i kaglabat flingengu di satu to tamlo, na falbongan i katlon.

Kolosas 1:10

Na én dasalmi du fye gmagan gamu mimò i knayè Amuito Krayst Dyisas, na mimò i dad too gaflehew kenen, na di kimòyu too nun fye bungen, na lamnok i kgadèyu gablà di Dwata.

Ifisus 2:10

du Dwata sa mimò gito. Fnalamin ito fagu di ksasatuito di ku Krayst Dyisas fye gimoito i kdee fye nimò i tafatlagadan du nimoito.

Mark 4:23

Taman flinge gamu, ku nun klingeyu!”

Mark 7:16

Taman flinge gamu, ku nun klingeyu!”

I Fye Tulen gablà ku Dyisas Krayst i Sulat Luk 8:7

Na nun dademe bnê gsabul di lam walad nun sual, na tmabò, bay mlal kalnok i dad walad na mlimas i dad tabò i bnê.

I Fye Tulen gablà ku Dyisas Krayst i Sulat Luk 14:35

Talandè gukmamu dun, balù bol di abunu i tanà, là fakay, tatì bat nan i dad to. Taman flinge gamu ku nun klingeyu!”

Tafite 3:6

Ku nun klingeyu, flinge gamu i gman Tulus Dwata di dad to faglut.’ ” Ani man Dyisas di dad to faglut di banwe Sardis.

Tafite 3:13

“ ‘Ku nun klingeyu, flinge gamu i gman Tulus Dwata di gamu dad to faglut.’ ” Ani man Dyisas di dad to faglut di banwe Filadélfya.

Tafite 13:9

Taman ku nun klingeyu too gamu flinge.