I Fye Tulen gablà ku Dyisas Krayst i Sulat Luk 8:54 - Blaan Sarangani

⁵⁴ Kabay nagot Dyisas kmal i tingà, na tlon kenen, manan, “Tuy, mték ge.”

I Fye Tulen gablà ku Dyisas Krayst i Sulat Luk 8:54 Referans Kwoze

Dad Nimò 9:40

Na falwà Fiter i kdee dad to di sibay, na lkuad du dmasal di Dwata. Na meye kenen di libun mati, na manan, “Tabita, mték ge.” Na nukatan i matan, na di kiten ku Fiter, mték kenen na sudeng.

Dyan 11:43

Na kafngen man ani, toon falbong i taluan tamlo, manan, “E Lasarus, lamwà ge!”

Dyan 5:21

Hae, du nték Mà i dad mati, na banlén ale nawa, na salngad én i Tingaan, du banlégu nawa i dad to knayègu.

I Fye Tulen gablà ku Dyisas Krayst i Sulat Luk 8:51

Kakella di gumnè Dyairus, landè to faloh Dyisas fusuk, senan alò Fiter, Dyan, Dyém, na i dad tua i tingà.

Mark 9:27

Kabay nagot Dyisas kmal i tingà na ntékan, na fles kenen tadag.

Mark 8:23

Na nagot Dyisas sigal i to butè na nalakan kenen lamwà di tukay banwe én, na dnulaan dad matan. Na di kafkahan kmalan di to én, snalekan, manan, “Nun teenam?”

Mark 1:31

Di kaklinge Dyisas dun, fdadong kenen, na nagotan sigalan du ntékan. Di kték Dyisas kenen, magwè initan, na fles kenen mlé dale knaan.

Matyu 9:25

Na di takalwà i dad to, fusuk Dyisas di gumilè i tingà, na nagotan i kmalan na mték kenen.

Roma 4:17

Salngad i gman di Tnalù Dwata, manan, “Nimòta ge mà i dee bung dad to.” Taman di kite Dwata, Abraham mà i kdee dad to faglut. I Dwata gufaglutito, i gmagan mto i dad mati, na mimò balù tan i là lmen mgimò fagu di kgal i tulusan.

I Fye Tulen gablà ku Dyisas Krayst i Sulat Luk 8:53

Na toola kenen nulé, du gadèla tamati sa.

I Fye Tulen gablà ku Dyisas Krayst i Sulat Luk 8:55

Na mulê di kenen i nawan, na gasil mték. Na dek ale Dyisas mlé knaan di tingà.