I Fye Tulen gablà ku Dyisas Krayst i Sulat Luk 8:46 - Blaan Sarangani

⁴⁶ Kabay man Dyisas, “Nun magot deg, du lyalogu nun eneg i gafgulê talamwà di deg.”

I Fye Tulen gablà ku Dyisas Krayst i Sulat Luk 8:46 Referans Kwoze

I Fye Tulen gablà ku Dyisas Krayst i Sulat Luk 6:19

Na i kdee dad to déén mngabal i kfagula fye magot kenen du nun tulus déén di kenen fgulê i kdeela.

I Fye Tulen gablà ku Dyisas Krayst i Sulat Luk 5:17

Di satu duh sleng Dyisas tamdò, nun sudeng déén dad Farisi na dad tamdò i dad flalò blé Dwata fagu di ku Mosis. Én gumdàla di kdee dad malnak banwe di Galili na Dyudiya. Na nun dademe mdà di syudad Dyérusalém. Na mnè di ku Dyisas i ktulus Dwata du fye gafguléan i dad to nun tduk.

1 Fiter 2:9

Kabay gamu sa i dad to mgalék Dwata du fbalingan gamu dad ton, i dad to mgimò Hariito Dwata i damsù di kenen, dad to matlu gakuf di kagotan, dad to nfunan fye gamtulen i dad fye mgimoan, du tatlon gamu mdà di gukmifun, na fsalun di gumalwan.

I Fye Tulen gablà ku Dyisas Krayst i Sulat Luk 8:47

Kanto teen i libun, là gbuni nimoan, kankal kenen di klikoan, na lkuad di muna Dyisas, na tulenan di muna i kdee dad to i duenan magot kenen na gablà di kguléan.