I Fye Tulen gablà ku Dyisas Krayst i Sulat Luk 7:7 - Blaan Sarangani

⁷ Én duengu myà smite ge, du too agu mdanà di ge. Kabay ku alò ge talù, fagu di taluam mgulê i lifangu.

I Fye Tulen gablà ku Dyisas Krayst i Sulat Luk 7:7 Referans Kwoze

Salmo 107:20

Na fagu alò di taluan fanguléan ale mdà di dad fdasla, na falwaan ale mdà di fati.

I Fye Tulen gablà ku Dyisas Krayst i Sulat Luk 4:36

Too tikeng i kdee dad to, na sanmanla, “Tan kè i tdò to ani. Hae, du fagu di bong glal na ktulusan, dekan i dad busaw lamwà, na mimen ale!”

Salmo 33:9

du fagu alò di tnaluan mgimoan i banwe; fagu alò di kdekan tanun kdee mgimoan.

Mark 1:27

Too tikeng i kdee dad to déén, taman sasalek ale, manla, “Tan kè ani? Satu falami tdò ani dé? Hae, du nun glalan mdek dad busaw lamwà, na mimen ale!”

I Fye Tulen gablà ku Dyisas Krayst i Sulat Luk 5:13

Na nagot Dyisas kenen, manan, “Mayè agu sa. Mgulê ge nan.” Na too glut tamgulê i tfigan.

Éksodus 15:26

Na manan di dale, “Ku tooyu agu nimen, na i nimòyu too matlu di kitegu, na làyu fbayà bay nimenyu i dad flalògu gamu, làta gamu fanlayam di balù tan i tduk i taflayamgu aye i dad to Idyif. Agu sa Dwata i Amu, i fgulê gamu.”

I Fye Tulen gablà ku Dyisas Krayst i Sulat Luk 7:6

Taman magin Dyisas dale. Kabay di kagdadong ale Dyisas di gumnean, lêman mdek i kafitan i dad demen sgalak fsitong ku Dyisas, du man di kenen, “Amu, nang ge faflayam fles dini, du là agu gablà ku fusuk ge di gumnègu.

I Fye Tulen gablà ku Dyisas Krayst i Sulat Luk 7:8

Du balù agu mdanà di dad mdatah ganlal, nun sa dad sundalu mdanà fa di deg, na ku nun dekgu mdà, na mdà sa, na ku dekgu salu dini, na gasil salu dini. Na ku dekgu i lifangu mimò balù i tan déén, nimoan. Mdatah fa ku ge, ku nun manam, mgimò sa.”