I Fye Tulen gablà ku Dyisas Krayst i Sulat Luk 7:13 - Blaan Sarangani

¹³ Di kite Dyisas i libun balu ani, toon kando, na manan di kenen, “Nang ge nan mngel.”

I Fye Tulen gablà ku Dyisas Krayst i Sulat Luk 7:13 Referans Kwoze

Salmo 103:13

Too nun kakdon i dad to nun klikò di kenen, salngad kakdo i satu mà di kenen dad ngà.

Hibru 4:15

Du i mdatah baito di Dwata, toon glabat ku tan i gumlungayito, du tanagun i kdee dad tilew i gnaguito. Kabay kenen alò i là lmen gamsalà.

I Fye Tulen gablà ku Dyisas Krayst i Sulat Luk 8:52

Na i kdee dad to déén, too ale mngel, na nlanula i tingà. Kabay man Dyisas, “Nang gamu mngel. Laan mati, bay alò kudang.”

Hibru 2:17

Taman landè dademe kibò Dyisas ku laan mbaling gambet gito dad flanekan, du fye gnagun ku tan i gito gnagu, du fye mbaling kenen mdatah baito di muna Dwata i too kamdo gito, i too gsalig di nimò Dwata, du fye nlifet Dwata dad salà i dad to di kenen.

Dyan 20:15

Na man Dyisas di kenen, “Libun, tan nngelam? Simto fanngabalam?” Na man nawa Méri ku kenen to gal mifat dad fule déén, taman manan, “Fà, ku ge mwè lawehan, tulenam deg gufkaham dun, du nwègu.”

Mark 8:2

“Toogu kando dad to stifun dini. Tatlu duhla fanak dini di safédgu, na talandè knaanla.

Dyan 11:2

Méri ani, dunan i mkok i fangbun di blì Dyisas, na nifun i wakan. I fandas ani dunan flanekan lagi Lasarus.

I Fye Tulen gablà ku Dyisas Krayst i Sulat Luk 24:34

Na man i dad to stifun déén, “Too sa. Tamték i Amuito, na tafiten i kton di ku Simon Fiter!”

I Fye Tulen gablà ku Dyisas Krayst i Sulat Luk 17:5

Na talù i dad galan dek di ku Dyisas, manla, “Amu, tananuam i kafaglutmi.”

1 Korintu 7:30

Fye ku laito fnè di nawaito i klidù nawaito, i klehew nawaito, na i kweito knunito di tah tanà, du là mabtas, du là mlo i kneito di tah tanà. Taman fye ku là gamsamuk i kdee ani di nimoito di Dwata, du tamdadong gusen i banweito ani.

Dyan 20:13

Na snalekla Méri, manla, “Libun, tan nngelam?” Na manan di dale, “Nun dad to mwè laweh Amugu, na làgu gadè gufkahla dun.”

I Fye Tulen gablà ku Dyisas Krayst i Sulat Luk 13:15

Kabay tmimel Dyisas kenen, manan, “Gamu i dad to alò flingu mimen Dwata! Làyu kè nteh i ikat i dad bakayu na dongkiyu, du fninumyu ale di Duh Kaftud.

I Fye Tulen gablà ku Dyisas Krayst i Sulat Luk 10:1

Kafnge én, nun fitu falò lwe dademe dad to nalék Dyisas, na dekan ale, man lwe, muna di kenen lamngab di kdee dad lunsud na dademe banwe i fanan gusalu.

I Fye Tulen gablà ku Dyisas Krayst i Sulat Luk 7:19

Kaklinge Dyan dun, tlon lwe di dale, na dekan ale di Amuito Dyisas du fsalekan kenen, manan, “Ge kè i to dek Dwata dini i sanfatanmi, ku nun fa dademe fatanmi?”

1 Tésalonika 4:13

Dad flanekgu, kayèmi fgadè di gamu i kaglut gablà di dademeito dad faglut tamati, du fye là gamu mlidù salngad klidù i dad to là faglut landè imen nawala ku lêman ale mto mdà di fati.

I Fye Tulen gablà ku Dyisas Krayst i Sulat Luk 22:61

Na falê Dyisas meye di ku Fiter, na gafaldam Fiter i gman Dyisas, “Di là fa kamleet i anuk kadang butang ani, tatmulen ge tlu dulê laam agu dilè.”

I Fye Tulen gablà ku Dyisas Krayst i Sulat Luk 7:12

Kagdadongla di bà gufusuk di labat i lunsud, nun gsitongla dademe dad to mebe i to mati lamwà. I to mati, dunan lagi, na i sen tingà i satu libun balu. Na nun magin i balu dee dad to mdà di lunsud.

I Fye Tulen gablà ku Dyisas Krayst i Sulat Luk 7:14

Na fdadong Dyisas, na nagotan i lungun, na fanak i dad to mebe dun. Na man Dyisas, “Tò, mték ge.”

I Fye Tulen gablà ku Dyisas Krayst i Sulat Luk 11:1

Satu duh dmasal Dyisas di satu banwe. Na kafngen dmasal, man i satu di dad gal mlalò kenen, “Amu, tdoam gami dmasal gambet i gal nimò Dyan Gal Munyag di dad gal mlalò kenen.”

I Fye Tulen gablà ku Dyisas Krayst i Sulat Luk 11:39

Na man Amuito Dyisas di kenen, “Gamu dad Farisi, salngad gamu i to malob di lwà i tabù na fligo, bay ditù di lam, sana kagsikan. Hae, nalobyu kmalyu, bay fnò nawayu klom na dee bung sasè.

I Fye Tulen gablà ku Dyisas Krayst i Sulat Luk 12:42

Na man i Amuito Dyisas, “Simto i salig too gsalig na too fulung? Dunan i salig gufagot i amun i dademe dad saligan, du fye nalelan dale i knaanla ku tabang kablé dun.

I Fye Tulen gablà ku Dyisas Krayst i Sulat Luk 17:6

Na man i Amu, “Balù ku tukay i kafaglutyu salngad kalbong i satu too tukay bnê mustasa, gaganyu man di bong kayu ani, ‘Magdot ge, na tmabò ge ditù di mahin!’ na nimenan gamu sa.”

I Fye Tulen gablà ku Dyisas Krayst i Sulat Luk 18:6

Na fadlug talù i Amuito Dyisas, manan, “Balù ku là matlu i to mukum ani, tooyu fandam i manan.

I Fye Tulen gablà ku Dyisas Krayst i Sulat Luk 19:8

Na Sakiyus, tadag kenen, na manan di Amuito Dyisas, “Amu, ani blégu kagatngà i kdee knungu di dad to landè. Na ku nun to glangonggu, fulêgu fat dulê i kalbong gwègu di kenen.”

I Fye Tulen gablà ku Dyisas Krayst i Sulat Luk 24:3

Kabay di kfusukla déén, làla teen i laweh Dyisas.

Dyan 4:1

Na linge dad Farisi, too dee fa i dad to mlalò ku Dyisas na dee fa dad to bnunyagan di ku Dyan.

Dyan 6:23

Kabay nun dademe aweng mdà di banwe Tibiryas dmuung mdadong di gukmaanla fan, di tafnge i Amu mlé fye di Dwata.

Dyan 11:3

Na nun to dek i lwe libun ani salu di ku Dyisas du man di kenen, “Amu, fandas Lasarus i toom kando.”