I Fye Tulen gablà ku Dyisas Krayst i Sulat Luk 6:47 - Blaan Sarangani

⁴⁷ Kat to salu di deg, na mlinge i tdògu, na mimen dun, nun guflingengu kenen.

I Fye Tulen gablà ku Dyisas Krayst i Sulat Luk 6:47 Referans Kwoze

I Fye Tulen gablà ku Dyisas Krayst i Sulat Luk 11:28

Kabay tmimel Dyisas, manan, “Kabay too nun kafye i dad to flinge Tnalù Dwata na mimen dun.”

Dyan 14:15

“Ku bong nawayu deg, nimenyu sa i dad flalògu.

Dyém 4:17

Taman i to gmadè i fye nimoan, bay laan sa nimò dun, i to ani gamsalà.

Matyu 12:50

du ku simto mimò knayè i Màgu di langit, kenen i mgimò flanekgu lagi, na flanekgu libun na yêgu.”

Dyan 13:17

Na du glabatyu i tdògu di gamu ani, nun kafyeyu ku nimenyu.

1 Fiter 2:4

Fdadong gamu di ku Dyisas, du kenen gumdà i nawa landè sen. Kenen salngad i batu knang i dad to fdak gumnè, du man nawala landè gukmamula dun, bay knean, kenen mgalék Dwata, du kenen too mabtas di Dwata.

Hibru 5:9

Na di kafngen mimò i kdee fimò Dwata kenen, mbaling kenen i gumdà i kagalwà i kdee dad to mimen kenen, du fye nun nawala landè sen.

Tafite 22:14

“Na nun kafye di dad to mfuk i klawehla, dunan dad to mlaneb mdà di dad salàla, du nun alella di bunge kayu gamlé falami nawa na fakay ale fusuk di gufusuk di syudad Dwata.

I Fye Tulen gablà ku Dyisas Krayst i Sulat Luk 14:26

“Ku nun to mayè magin deg, na là too bong nawan deg, mdatah fa di kalbong nawan maan, yéan, yaanan, dad ngaan, dad flanekan, na balù kel di kton, là kenen fakay mgimò satu gal mlalò deg.

1 Dyan 3:7

Gamu dad ngàgu di kafaglut, too gamu fgeye, du fye landè to mgaw gamu. Du i to too mimò tlu too kenen matlu gambet i katlu Krayst.

1 Dyan 2:29

Du gadeito Dwata too matlu, taman tooyu gadè i kdee dad to mimò tlu, ale glut dad ngà Dwata.

Dyan 10:27

Du i dad bilibiligu, flinge ale i tnalùgu, na dilègu ale, na mlalò ale deg.

2 Fiter 1:10

Taman dad flanekgu, tooyu fkah di nawayu i kalék Dwata gamu na mimò i kdee gmangu di gamu, du fye fiteyu too glut gamu i dad tamgalék Dwata, na ku ani i nimòyu, là gamu tlaab,

Dyan 6:37

I kdee dad to blé Màgu di deg salu ale di deg. Na balù simto i salu di deg làgu kenen fnang.

Dyan 6:35

Na man Dyisas di dale, “Agu sa i knaan mlé nawa, na ku simto salu di deg laan lêman bitil, na ku simto faglut di deg laan lêman malinum.

Dyan 5:40

Kabay knean là gamu mayè faglut di deg du fye moon gfunyu nawa landè sen.

I Fye Tulen gablà ku Dyisas Krayst i Sulat Luk 8:13

Na i tanà gunun dee batu gusmabul dademe bnê, dunan i dad to too lehew dmawat Tnalù Dwata di kaklingela dun, bay du là dmalil i Tnaluan di nawala, taman là mlo ale faglut, du di kakel i tilew, tnagakla i kafaglutla.

I Fye Tulen gablà ku Dyisas Krayst i Sulat Luk 8:8

Kabay i dademe bnê sabul di gufye tanà tmabò, na di kbungela mlatu i bong uléan.” Kafnge Dyisas tmulen i fléd ani, falbongan i taluan, manan, “Flinge gamu ku nun klingeyu!”

Matyu 17:5

Na di slengan fa talù, maglimun ale i labun too mneng, na nun talù mdà di labun, manan, “Ani i tingàgu toogu kanbong nawa, na too fye i nawagu kenen. Flinge gamu kenen!”

Dyan 8:52

Na man i dad Dyu, “Toomi nan gadè nun busawam! Du balù Abraham na i dad tugad Dwata di muna fa, i kdeela tamati, bay balingam man, ‘Ku nun to mimen i tdògu là kenen mati.’

I Fye Tulen gablà ku Dyisas Krayst i Sulat Luk 6:48

Salngad kenen i to fulung fdak gumnè. Makol kenen i mngalam sol kel di gunun lfidas du gufdakan i dad lahan. Di kafnge i gumnean, nun kel bong dunuk, mlaf dun, bay laan sa fugen du mgal i gugafdakan.