I Fye Tulen gablà ku Dyisas Krayst i Sulat Luk 6:22 - Blaan Sarangani

²² Nun kafyeyu, gamu dad togu ku knang gamu nawa i dad to, na ku fbayàla gamu na sansilola, na ku manla sasè gamu du mdà di ksasatuyu di deg, i dnagit Tingà To.

I Fye Tulen gablà ku Dyisas Krayst i Sulat Luk 6:22 Referans Kwoze

Matyu 10:22

Na knang gamu nawa i kdee dad to du gamu dad togu. Kabay ku simto gamtayud kel di gusenan, galwà kenen.

1 Fiter 3:14

Kabay balù ku maflayam gamu mdà di nimòyu fye, banlén gamu klehew! Nang gamu likò i demeyu to mayè mlayam gamu, na nangyu fsamuk nawayu.

Dyan 16:2

du fnang gamu kadang i dad Dyu fusuk di dad gusatdòla. Na kel i duh kadang ku nun to mati gamu, én i fandaman ku nimoan i knayè Dwata.

Dyan 7:7

Là gamu knang nawa i dad to mlalò knayè i banwe, bay knangla agu nawa du fgadègu i ksasè i dad nimòla.

Dyan 12:42

Kabay balù fa ani, dee dad ganlal i dad Dyu faglut di ku Dyisas, bay knean làla tulen gablà di kafaglutla du likò ale i dad Farisi, du ken falwàla ale mdà di dad gal gusatdòla, na là ale nan fakay fakuf di dale.

Dad Nimò 24:5

“I to ani toomi teen i ksasean, du kenen mebe i ksamuk di dad Dyu di klamang banwe, na kenen mebe i satu fnaglut, i dad to faglut di satu to mdà di banwe Nasarét.

Dad Nimò 9:16

Na agu i fite di kenen kadang i kdee dad kaflayam gnagun du mdà di ktulenan gablà di deg.”

Dyan 17:14

Tagablégu Tnaluam di dale, na knang ale nawa i dad dmuen ge di tah tanà, du là ale agin di knayè di tah tanà, salngad deg.

I Fye Tulen gablà ku Dyisas Krayst i Sulat Luk 21:17

Hae, knang gamu nawa i kdee to du gamu dad togu.

Matyu 10:39

Kabay i to kmabas i nawan, knean lana di kenen. Kabay i to mati mdà di klaloan deg, gamdawat nawan landè sen.

Dad Nimò 22:22

Na too fye kaflinge i dad to di kdee man Fol kel di kmanan gablà di ksalun di dad to ise Dyu, bay di kaklingela ani mkit ale, manla, “Fnatiyu kenen! Landè gukmamu to ani, là fakay ku mnè fa kenen di tah tanà.”

Dyan 9:34

Na manla di kenen, “Tdoam gami kè? Blaam tagnè ge to too gamsalà mdà di ksutam!” Taman falwàla kenen di gusatdòla.

I Fye Tulen gablà ku Dyisas Krayst i Sulat Luk 20:15

Taman kanfèla, na ditù gumbatla kenen di lwà i gumule i maan, na flesla fnati.” Na smalek Dyisas, manan, “Tan dé kibò mfun fule i dad to gufagotan dun?

Matyu 10:18

Na mdà di ksasatuyu di deg nebela gamu di muna i dad mdatah mukum, én gubirnador na balù i harìla. Kabay én sa i dalanyu samtulen di dale na di dad to ise Dyu i Fye Tulen gablà di deg.

I Fye Tulen gablà ku Dyisas Krayst i Sulat Luk 6:21

Nun kafyeyu, gamu dad to bitil ani, du bsol gamu kadang. Nun kafyeyu, gamu dad to mngel ani, du mulé gamu kadang.

Dyém 1:12

Nun kafye di to tmayud di dad tilew kel di kenen, du ku gamtayud nun untung gdawatan, dunan nawa landè sen fakang Dwata di dad to mbong nawa kenen.