I Fye Tulen gablà ku Dyisas Krayst i Sulat Luk 6:11 - Blaan Sarangani

¹¹ Kabay too flabè i dad Farisi na dad tamdò i flalò Dwata. Na stulen ale ku tan kibòla ku Dyisas.

I Fye Tulen gablà ku Dyisas Krayst i Sulat Luk 6:11 Referans Kwoze

Dad Nimò 5:33

Na di kaklinge i dad ulu i man Fiter, too ale flabè na kayèla ale fnati.

Dad Nimò 26:11

Na dee dulêgu ale faflayam déén di kdee gusatdò i dad Dyu, du kayègu ku knagolla i kafaglutla di ku Dyisas. Na du too sasè i kaflabègu dale, balù i gumnèla di dademe mawag banwe, toogu ale natud du fanlayamgu.”

Dad Nimò 7:54

Na di kaklingela i man Stifan, kminggat ale kifanla du too ale flabè kenen.

Dad Nimò 4:19

Kabay tmimel Fiter na Dyan, manla, “Na di gamu sa fandam ku tan i matlu nimò di kite Dwata, ku gamu i nimenmi, ku demen nimenmi Dwata.

Dad Nimò 4:15

Taman dekla ale Fiter lamwà di gumukumla na stulen ale,

Dyan 11:47

Taman stifun i dad ulu i dad bà di Dwata na dad Farisi magin i dademela dad gal mukum, na stulen ale, manla, “Tan i kiboito ku Dyisas, du dee tnikeng mgimoan?

Dyan 7:1

Kafnge én, lamngab Dyisas di banwe Galili. Laan mayè lamngab di banwe Dyudiya du i dad ganlal dad Dyu déén mayè mati kenen.

I Fye Tulen gablà ku Dyisas Krayst i Sulat Luk 4:28

Di kaklingela i man Dyisas ani, too flabè i kdee dad to di gusatdò dad Dyu én.

Matyu 21:45

Na kaklinge dad ulu i dad bà di Dwata na dad Farisi i dad fléd Dyisas ani, glabatla ale gugtadè i manan.

Matyu 16:7

Na là ale gamlabat taman stulen ale, manla, “Manan én kè du landè fan nebeito.”

I Fye Tulen gablà ku Dyisas Krayst i Sulat Luk 6:10

Na meye Dyisas di kdee dad to déén, na manan di to kengkeng i kmalan, “Bankem i kmalam.” Na banken sa, na di kabken dun, tamgulê sa.

I Fye Tulen gablà ku Dyisas Krayst i Sulat Luk 6:12

Na di bang én, mnagad Dyisas di bulul du dmasal, na tayud i butang dmasal kenen di Dwata.

2 Timoti 3:9

Kabay i dad to én, là gafles i kafgawla, du là mlo teen i kdee dad to là ale fulung faldam, salngad ku Dyanis na Dyambris.