I Fye Tulen gablà ku Dyisas Krayst i Sulat Luk 4:2 - Blaan Sarangani

² na déén gutmilew Satanas kenen klo fat falò butang du neyen ku nun kiboan mebe ku Dyisas di kagsalà. Na klo Dyisas déén landè knaanan, taman di gusenan too kenen bitil.

I Fye Tulen gablà ku Dyisas Krayst i Sulat Luk 4:2 Referans Kwoze

Éksodus 34:28

Na déén Mosis di saféd i Dwata i Amu klo fat falò duh na fat falò butang, na klon ditù là kmaan na là minum. Na di bang én, sulatan di dad lwe batu, i dad man Dwata gablà di fakangan, dunan i sfalò flalò.

Hibru 4:15

Du i mdatah baito di Dwata, toon glabat ku tan i gumlungayito, du tanagun i kdee dad tilew i gnaguito. Kabay kenen alò i là lmen gamsalà.

Hibru 2:18

Na du tagnagu Dyisas i bong kaflayam du mdà di bong tilew, gadean i kiboan tmabeng gito di dad tilew kel di gito.

Dyan 4:6

Na nun sol yéél déén tanakol Dyékob di muna. Na di kaltu i duh du mlungay Dyisas magu, sudeng kenen mdadong di sol yéél én.

Matyu 21:18

Kakwalan én, di dalan Dyisas samfulê di syudad, tabitil kenen.

Matyu 4:2

Na di fat falò duh na butang là kmaan Dyisas, taman too bitil kenen.

Dyona 3:7

Na kafnge én, fangadè i harì na i dademe mebe i banwe Ninibi i kdee dad to, manla, “Nang gamu kmaan ku demen minum, na balù i dad lmanafyu nangyu fankaan na finum.

Éksodus 24:18

Taman di knagad Mosis di tah i bulul, fusuk kenen di lam i labun. Na mnè kenen ditù fat falò duh na fat falò butang.

Dyénésis 3:15

Sanduengu gamu, ge na i libun, na i dad belan, na i dad belam, na mbaling gamu snang nawa kel di atuan. I belan ndakan kadang i ulum, na nakétam i takadan.”

I Fye Tulen gablà ku Dyisas Krayst i Sulat Luk 4:3

Taman man Satanas di kenen, “Ku ge Tingà Dwata dekam batu ani mbaling fan.”