I Fye Tulen gablà ku Dyisas Krayst i Sulat Luk 4:13 - Blaan Sarangani

¹³ Na taktilew Satanas kdee kfagun mebe ku Dyisas di kagsalà gadean landè sa kiboan, taman flon tnagak Dyisas.

I Fye Tulen gablà ku Dyisas Krayst i Sulat Luk 4:13 Referans Kwoze

Dyém 4:7

Taman tooyu fdanà na bléyu ktoyu di Dwata. Na sfati gamu Satanas, na nilan gamu.

Hibru 4:15

Du i mdatah baito di Dwata, toon glabat ku tan i gumlungayito, du tanagun i kdee dad tilew i gnaguito. Kabay kenen alò i là lmen gamsalà.

Dyan 14:30

Talà agu mlo stulen di gamu, du Satanas, i mebe i dee sasè di tah tanà ani, tafan kel. Landè kiboan mebe deg,

Matyu 4:11

Na tnagak kenen Satanas, na nun dad kasaligan Dwata salu di kenen du nifatla.

I Fye Tulen gablà ku Dyisas Krayst i Sulat Luk 4:12

Na tmimel Dyisas, manan, “Kabay nun fa gman di Tnalù Dwata, ‘Nangam tnilew i Amum Dwata.’ ”

I Fye Tulen gablà ku Dyisas Krayst i Sulat Luk 4:14

Kafnge én, mulê Dyisas di Galili, na mnè di kenen gnagan i Mtiu Tulus. Na mbel i dad santulen gablà di kenen di klamang banwe.