I Fye Tulen gablà ku Dyisas Krayst i Sulat Luk 23:43 - Blaan Sarangani

⁴³ Na tmimel Dyisas, manan, “Tulenta ge i kaglutan, duh ani ditù ge di safédgu di gumnègu di langit.”

I Fye Tulen gablà ku Dyisas Krayst i Sulat Luk 23:43 Referans Kwoze

Tafite 2:7

“ ‘Ku nun klingeyu, too gamu flinge i gman Tulus Dwata di gamu dad to faglut. Na i dad to gamfisan i dad sasè mkel di dale di klalòla deg, fankaangu ale kadang i bunge kayu mlé nawa landè sen. Na déén gumnè i kayu ani di banwe Dwata di langit.’ ” Ani man Dyisas di dad faglut di banwe Ifisus.

I Fye Tulen gablà ku Dyisas Krayst i Sulat Luk 19:10

Na agu, i dnagit Tingà To, i duengu salu dini di tah tanà, du fanngabalgu i dad to lana di Dwata du fye falwàgu di dad salàla.”

Salmo 32:5

Kafnge én, dnawatgu i dad salàgu; talàgu nan buni i dad gugasyatgu di knayeam. Gmangu, “Tulengu i salàgu di Amugu Dwata.” Na mdà én tanlifetam i kdee sasè mgimògu.

Dyan 14:3

Na di kafngegu fatlagad i gumnèyu ditù lêmanta gamu sanfulê du nebeta gamu ditù di gumnègu, du fye balù nè gumnègu lê gamu ditù.

Hibru 7:25

Na du ani kagkah Dyisas, balù kilen gaganan falwà i dad to salu di Dwata fagu di kenen, du mto kenen landè gusenan, na kenen baito di Dwata.

Dyan 17:24

“Mà, i dad to gablém deg, kayègu ku mnè ale di safédgu di gumnègu kadang, du fye teenla kdatah tagablém di deg di là fa mgimò i banwe, du mdà di kbong nawam deg.

Filifos 1:23

Too glut msamuk i nawagu, du làgu gadè ku tan i fye nalékgu di lwe ani, fati ku demen mto fa. Kabay én toogu kayè ku mati agu ani, du fye fa ku ditù agu di saféd Krayst,

2 Korintu 5:8

Hae, too mgal nawami di kafaglutmi di Dwata, na kayèmi moon ku mlal gami tmagak i lawehmi ani, du fye gasil gami mnè ditù di saféd Amuito Dyisas.

I Fye Tulen gablà ku Dyisas Krayst i Sulat Luk 23:42

Kafnge én, manan di ku Dyisas, “Dyisas, begam agu fandam di kagotam kadang.”