I Fye Tulen gablà ku Dyisas Krayst i Sulat Luk 23:2 - Blaan Sarangani

² Kakella ditù, tanbùla dnalam Dyisas di salà, manla, “Tagnumahmi to ani di salà du fasyatan i dadememi Dyu, du manan là fakay ku mlé gami bayad buhis di ku Sisar, i gumdatahyu di banwe Roma, na manan, kenen Krayst, i Mgalék Dwata mgimò harìmi.”

I Fye Tulen gablà ku Dyisas Krayst i Sulat Luk 23:2 Referans Kwoze

Dyan 19:12

Di kaklinge Filat man Dyisas ani, mngabal kenen kfagu falwà kenen. Kabay baling too mkit dad Dyu, manla, “Ku falwaam kenen, taise ge nan msen di ku Sisar, du balù simto to ku manan harì kenen, dnuenan Sisar, i mdatah ganlal.”

I Fye Tulen gablà ku Dyisas Krayst i Sulat Luk 23:14

na manan di dale, “Tanebeyu i to ani di deg na manyu fasyatan i dad to, bay balù tatoogu kenen snalek dini di munayu, landè teengu kaglut i dad dalamyu kenen.

Dad Nimò 24:5

“I to ani toomi teen i ksasean, du kenen mebe i ksamuk di dad Dyu di klamang banwe, na kenen mebe i satu fnaglut, i dad to faglut di satu to mdà di banwe Nasarét.

Dyan 18:30

Na tmimel i dad Dyu, manla, “Ku landè salà i to ani làmi nebe dini di ge.”

Mark 12:17

Na man Dyisas di dale, “Na ku tan nfun Sisar bléyu ku Sisar, na ku tan nfun Dwata bléyu di Dwata.” Na too ale tikeng di timelan.

Matyu 22:21

Na manla, “Ku Sisar.” Taman man Dyisas di dale, “Na ku tan i nfun Sisar bléyu ku Sisar, na ku tan i nfun Dwata bléyu di Dwata.”

Dad Nimò 24:13

Na landè gfitela di ge kaglut i gugmadeam dun na glut i kafsalàla deg.

I Fye Tulen gablà ku Dyisas Krayst i Sulat Luk 23:5

Kabay baling matnù i kdalamla ku Dyisas, manla, “Mlét kenen nawa i dad to di klamang Dyudiya fagu di katdoan. Tambù kenen di Galili na tagafat nan di Dyérusalém ani.”

Matyu 17:27

Kabay balù fakay ku là agu mlé, knean mayad ite du ken mahal nawa dad to gal mwè i bayad. Taman salu ge di lanaw, na dmulé ge. Na i nalaf muna samkot, banngatam i baan du déén gumitem filak. Nweam na blém di dale i bayadta.”

Matyu 27:11

Na tadag Dyisas di muna Gubirnador Filat, na smalek Filat, manan, “Ge kè Harì i dad Dyu?” Na man Dyisas, “Tagmanam sa.”

Mark 15:2

Na snalek Filat kenen manan, “Ge kè Harì i dad Dyu?” Na tmimel Dyisas, manan, “Tagmanam sa.”

Dyan 18:29

Taman lamwà Filat smitong dale, na manan, “Tan salà to ani duenyu mebe kenen dini?”

Roma 13:7

Taman too ito mayad i fni i gubirnu di gito, na too ito mafè dale.