I Fye Tulen gablà ku Dyisas Krayst i Sulat Luk 22:12 - Blaan Sarangani

¹² Na tdoan gamu kadang satu bong sibay di tah, na kdee klidùyu déén. Na déén gufatlagadyu knaanito.”

I Fye Tulen gablà ku Dyisas Krayst i Sulat Luk 22:12 Referans Kwoze

Dad Nimò 1:13

Na di kakella ditù, myak ale di sibay di tah i gumnèla. I kdeela déén dunan Fiter, Dyan, Dyém, Andru, Filif, Tomas, Bartolomyu, Matyu, satu Dyém tingà Alfyus, Simon dnagit ku Silot, na satu Dyudas tingà Dyém.

Dyan 2:25

Du balù landè to tmulen kenen i mnè di nawa i dad to, tasanan gadè nawa i kdee dad to.

Dad Nimò 20:8

Na nun dee salò di sibay gustifunmi di tah.

Dyan 21:17

Na lêman smalek Dyisas di gatlun dulê, “Simon, tingà Dyan, glut bong nawam deg?” Na too mlidù Fiter, du tatlu dulê smalek Dyisas ku too bong nawan kenen. Taman man Fiter di ku Dyisas, “E Amu, gadeam sa kdee, na gadeam sa bong nawagu ge.” Na man Dyisas di kenen, “Toom nifat dad bilibiligu.

I Fye Tulen gablà ku Dyisas Krayst i Sulat Luk 22:11

Na manyu di to mfun i gumnè, ‘Nun snalek i To Tamdò ku tanè i sibay fakay gukmaanan di flabi Duh Kaglius deme i dad gal mlalò kenen.’

I Fye Tulen gablà ku Dyisas Krayst i Sulat Luk 22:13

Na salu i lwe dek Dyisas ditù, na kdee i manan gdohò. Na fnatlagadla i knaan Duh Kaglius.