I Fye Tulen gablà ku Dyisas Krayst i Sulat Luk 21:31 - Blaan Sarangani

³¹ Na salngad én, ku tateenyu takel i dad ilè mangu gamu gine, gadèyu tamdadong nan i kagot Dwata.

I Fye Tulen gablà ku Dyisas Krayst i Sulat Luk 21:31 Referans Kwoze

Dyém 5:9

Na dad flanekgu, nang gamu sablé salà, du fye là nukum gamu Dwata. Du i Mukum tadéén di bà takab!

Hibru 10:37

Tooito fantahà i nawaito fatan, du déén di Tnalù Dwata fsulatan, manan, “Tamdadong nan kakel i to galyu fatan, na too gdohò i ksalun dini.

1 Fiter 4:7

Tamdadong gusen i kdee di tah tanà ani, taman tooyu fkah i kaglut di fandamyu, na dnanyu ktoyu, du fye landè gamlabal i kdasalyu di Dwata.

Matyu 3:2

Na manan, “Msal gamu na tnagakyu dad sasè nimòyu, du tamdadong i kagot Dwata.”

I Fye Tulen gablà ku Dyisas Krayst i Sulat Luk 21:32

“Tulengu gamu i kaglutan, kel kadang kdee ani di là fa mati kdee dad to di bang ani.