I Fye Tulen gablà ku Dyisas Krayst i Sulat Luk 21:21 - Blaan Sarangani

²¹ Na di bang én, ku déén gamu di Dyudiya mila gamu di dad bulul, na fye ku lamwà i kdee dad to mnè di syudad, na nang salu di syudad i dad to mnè galwà di syudad.

I Fye Tulen gablà ku Dyisas Krayst i Sulat Luk 21:21 Referans Kwoze

Tafite 18:4

Kafnge én, lingegu satu talù mdà di langit, manan, “E dad togu, lamwà gamu di banwe én, du fye là gamu gagin di kagsalà i sasè libun ani, du fye là gamu gakuf di kaflayaman kadang di fulé duh,

Mark 13:15

Na ku nun to déén di lwà nang kenen fusuk di gumnean du mwè balù tan.

Matyu 24:16

Na ku teenyu i too gamlikò én, ku déén gamu di Dyudiya mila gamu di dad bulul.

Dad Fngewe 22:3

I to fulung mebe i kton, tagadean i samuk fan kel, taman funan niwas, bay i to kulang i kfulungan faldam, laan niwas i samuk, tatì fadlug kel di kagdawatan i flayam, bunge i nimoan.

Dyénésis 19:26

Na yaan Lat falê di dad banwe atù, na di kfaléan mbaling kenen kahì le.

Dyénésis 19:17

Di kebela dale Lat ditù di lwà, man i satu kasaligan di dale, “Mila gamu, fye gafles gamu galwà. Nang gamu falê na nang gamu fafanak di gudatal ditù, bay mila gamu salu ditù di dad bulul, du fye là gamu mati.”

Matyu 2:1

Na déén gusut Dyisas di tukay lunsud Bétléhém glam di banwe Dyudiya di bang i kagot Harì Hérod i banwe Dyudiya. Kafnge ksut Dyisas nun dad to too fulung meye kagu i dad blatik kel di syudad Dyérusalém mdà di banwe di gusut i duh. Na manla,