I Fye Tulen gablà ku Dyisas Krayst i Sulat Luk 2:51 - Blaan Sarangani

⁵¹ Na kafnge én, mdà kenen magin dale mulê di Nasarét, na nimenan ale di kdee nimoan. Na too fkah yéan kdee ani di nawan.

I Fye Tulen gablà ku Dyisas Krayst i Sulat Luk 2:51 Referans Kwoze

I Fye Tulen gablà ku Dyisas Krayst i Sulat Luk 2:19

Kabay Méri, toon fkah di nawan kdee tulenla ani, na toon gal fandam.

Dyénésis 37:11

Na dad flanek Dyosif ani, too mingà nawala kenen, bay i maan fadlug faldam ku tan i gumtatek i knan.

Mark 6:3

Ise ani i karfintiro tingà Méri? I twege Dyém, Dyosis, Dyudas na Simon? Na i dad flanekan libun mnè dini kè di banweito.” Na én knangla kenen déén.

1 Fiter 2:21

Gamtayud Dyisas Krayst di kaflayaman, du fye galwà gamu di kaflayam landè gusenan, taman kenen sa i guflingen fye lalòyu, du tanalék gamu Dwata, du fye lalòyu i nimò Krayst Dyisas.

Matyu 3:15

Na tmimel Dyisas, manan, “Faloham i nimòta ani, du fye gimenta i kdee knayè Dwata.” Taman nagin Dyan i knayean, na bnunyagan Dyisas.

Ifisus 5:21

Safè gamu kat satu gamu, du nafèyu Krayst Dyisas.

I Fye Tulen gablà ku Dyisas Krayst i Sulat Luk 2:39

Takafngela mimò i kdee flalò Dwata fagu di ku Mosis, tamulê ale di lunsud Nasarét i banwela di Galili.

Matyu 12:46

Di sleng Dyisas talù fa di dad to déén, takel i yéan na dad flanekan lagi. Tadag ale di lwà du kayèla stulen di kenen.

Mark 1:9

Là mlo ani, salu Dyisas di ku Dyan fdu di Nasarét déén di banwe Galili. Na fbunyag kenen ku Dyan di yéél Dyordan.

I Fye Tulen gablà ku Dyisas Krayst i Sulat Luk 4:16

Na fles Dyisas di lunsud Nasarét, dunan i banwe gulamnokan. Kakel i Duh Kaftud salu kenen di gal gusatdò dad Dyu du én i tagnè nimoan. Na tadag kenen du masa i Tnalù Dwata.

I Fye Tulen gablà ku Dyisas Krayst i Sulat Luk 4:23

Na man Dyisas di dale, “Di nawagu, én i manyu deg i fléd gman, ‘Ku fulung ge mulung, bnulungam i ktom. Hae, ku glut ge tugad Dwata nimoam dini di ge banwe i nimoam kun di Kafernaum.’

I Fye Tulen gablà ku Dyisas Krayst i Sulat Luk 18:37

Na manla, “Dyisas mdà di Nasarét i magu dini.”