I Fye Tulen gablà ku Dyisas Krayst i Sulat Luk 19:26 - Blaan Sarangani

²⁶ “Na manan, ‘Tulengu gamu i kaglutan, ku simto gsalig di fagotgu kenen, tananùgu i fagotgu. Kabay ku simto là gsalig, balù i tukay tafagot kenen, nawì sa.

I Fye Tulen gablà ku Dyisas Krayst i Sulat Luk 19:26 Referans Kwoze

2 Dyan 1:8

Taman too gamu fgeye, du fye là baling lana di gamu i untungyu di nimòyu, bay gdawatyu i kdee kayè Dwata blè di gamu.

I Fye Tulen gablà ku Dyisas Krayst i Sulat Luk 8:18

Tooyu fanse flinge i tdògu, du i dad to nun kaglabat i tdògu tananù Dwata. Na i dad to là fkah dun di nawala, nawì Dwata balù i tukay man nawala glabatla.”

Matyu 21:43

“Taman tulengu gamu, i kagot Dwata nawì mdà di gamu na blé di dad to mimò knayean.

Matyu 13:12

Du i dad to nun kaglabat i tdògu, tananù Dwata du fye too bong. Kabay i dad to là fkah dun di nawala, nawì Dwata balù i tukay kaglabatla.

Mark 4:25

Na dad to nun kaglabat i tdògu, tananù Dwata. Na dad to là fkah dun di nawala, nawì Dwata balù tukay man nawala glabatla.”

Tafite 2:3

Na gadègu gamtayud gamu di dee bung kaflayam mdà di kafaglutyu di deg, na là mlungay i nawayu mimò fye.

Tafite 3:11

I kasfulêgu tamdadong. Na du tamdadong tooyu fkah di nawayu i kaglut fnaglutyu, du fye landè fakay mwè di gamu i untungyu tatagà Dwata gamu.

I Fye Tulen gablà ku Dyisas Krayst i Sulat Luk 16:3

“Na man i salig di kton, ‘Tan i kibògu nan du falwà agu i amugu? Làgu gagan mimò i blat du mlungay agu na myà agu mni.

Dad Nimò 1:20

Du tagsulat di libru Salmo, manan, ‘Fye moon ku i gumnean mbaling gumnè tnagak na landè mnè déén.’ Na lêman nun gsulat, manan, ‘Fye moon ku nun dademe to tlas di nimoan.’ ”

I Fye Tulen gablà ku Dyisas Krayst i Sulat Luk 19:25

“Na manla di kenen, ‘Kabay Amu, tamlibu sa i filakan!’ ”