I Fye Tulen gablà ku Dyisas Krayst i Sulat Luk 16:3 - Blaan Sarangani

³ “Na man i salig di kton, ‘Tan i kibògu nan du falwà agu i amugu? Làgu gagan mimò i blat du mlungay agu na myà agu mni.

I Fye Tulen gablà ku Dyisas Krayst i Sulat Luk 16:3 Referans Kwoze

2 Tésalonika 3:11

Gmanmi ani gine, du lingemi nun dad to di blengyu malwe mimò, na én balingla nimò flabet di nimò i dademe.

Dad Nimò 3:2

Na di gufusuk di bong labat dnagitla Fye Baweh, nun satu to sudeng déén, na laan gagu du kimay mdà fa di ksutan. Na klit i duh nun tmunda kenen di gufusuk, du én nimoan beg gal mni di dad to fusuk.

Dyan 9:8

Di kite i dademen saldan na dad to gal mite kenen gal mni di laan fa mite, manla, “Ise ani i to gal sudeng na mni?”

I Fye Tulen gablà ku Dyisas Krayst i Sulat Luk 18:4

“Di tnanin là mayè tmabeng i to mukum, bay di mlo nan, manan di kton, ‘Balù landè klikògu Dwata na landè afègu dad to,

I Fye Tulen gablà ku Dyisas Krayst i Sulat Luk 16:22

“Là mlo mati i to landè knun, na nebe kenen dad kasaligan Dwata ditù di langit saféd Abraham. Kafnge én, mati i to bong knun na lbang,

I Fye Tulen gablà ku Dyisas Krayst i Sulat Luk 16:20

Na nun satu lagi landè knun dnagit ku Lasarus, gal filè mdadong di gufusuk i labat di gumnè i to nun bong knun ani. Nun dad seey klamang lawehan. Na milè kenen déén,

I Fye Tulen gablà ku Dyisas Krayst i Sulat Luk 12:17

Na manan di kton, ‘Tan i fye kibògu? Talandè gusamtifungu i bong ulê i fulegu?’

Mark 10:46

Na takel Dyisas na dad gal mlalò kenen di banwe Dyériko, na di kdàla lêman, nun dee dad to magin dale. Na nun to butè dnagit ku Bartimyus, tingà Timyus lagi, sudeng di kilil dalan du mni.

Dad Fngewe 29:21

Ku mdà di ktukay i saligam na faknalamam mlé i kdee knayean, là mlo i kdee nfunam nwean na mlé ge klidù nawam.

Dad Fngewe 20:4

I to malwe mimò, i là mayè dmaru di bang kdaru, landè gwean di bang i kaktu.

Dad Fngewe 19:15

I to malwe mimò tatì fadlug kudang, na i gukelan bitil.

Dad Fngewe 18:9

I to malwe mimò, salngad ksasè i to gal falmo.

Dad Fngewe 15:19

I to là mayè mimò, balù tanè, nun dad sual gablabal i dalanan, bay i to matlu landè gablabal i dalanan.

Dad Fngewe 13:4

I to là mayè mimò, too dee knibalan, bay landè kiboan gamwè dun, bay i to too mayè mimò, gamwè balù tan i knayean.

Dad Nimò 9:6

Tadag ge na fles ge ditù di syudad, na di kakelam ditù nun tmulen ge ku tan i nimoam.”

Matyu 20:8

“Na di kasdaf i duh, man i mfun i fule di to magot i taden, manan, ‘Tlom i dad to mimò, na tnadenam ale. Funam tnaden i dad to fulé tambù mimò, na fafulém dad guna mimò.’

I Fye Tulen gablà ku Dyisas Krayst i Sulat Luk 16:2

Di kgadean dun, fatlon i saligan, na snalekan kenen, manan, ‘Tan i lingegu ani gablà di ge? Blém di deg i gugsulat gablà di kagotam i knungu, du làgu nan fagot ge.’

I Fye Tulen gablà ku Dyisas Krayst i Sulat Luk 16:4

A, tagadègu ku tan i fye nimògu du fye balù ku falwà agu, knean nun dad demegu sgalak fyak deg di gumnèla.’