I Fye Tulen gablà ku Dyisas Krayst i Sulat Luk 16:23 - Blaan Sarangani

²³ bay én gukelan di banwe dad mati dnagit Hadis, na too maflayam kenen déén. Taman lngalà kenen na teenan Abraham di gumawagan, na ditù Lasarus di safédan.

I Fye Tulen gablà ku Dyisas Krayst i Sulat Luk 16:23 Referans Kwoze

2 Fiter 2:4

Du balù dad kasaligan ditù di langit i gamsalà, là fbayà Dwata dad salàla, bay batan ale di lam sol too kmifu gumilanggù dale, na déén gufatanla i Duh Kukum.

I Fye Tulen gablà ku Dyisas Krayst i Sulat Luk 16:28

du nun lime dad flanekgu lagi ditù. Fye ku began ale fanngewe du fye là ale gsalu di banwe gumaflayam ani.’

Matyu 23:33

“Salngad gamu dad ulad na i gutambulyu ulad! Tan i kibòyu falwà i ktoyu fye là gamu fanlayam di lanaw lifoh?

Matyu 18:9

Na ku bali matam gamgebe ge di kimò sasè, baling fye fa ku tanwilam na batam du fye là ge fles mimò sasè. Fye fa ku alò satu matam, na nun nawam landè sen. Sasè ku balù sikof matam bay baling ge bat di lanaw lifoh.”

Salmo 9:17

Na én gukella di gumlayam dale, na balù fa i dad to là mayè faldam Dwata.

Tafite 20:10

Na Satanas i busaw gal mgaw i dad to, bat kenen ditù di lanaw lifoh sanbool sandawà dminè, i tagumbat i bong kanlikò na i tugad Satanas. Na déén i gumaflayamla mduh na butang kel di landè sen.

I Fye Tulen gablà ku Dyisas Krayst i Sulat Luk 8:28

Na di kiten ku Dyisas, mkit kenen na lamfan di munan, na falbongan i taluan, manan, “E Dyisas, Tingà i Too Mdatah Dwata, tan i kiboam deg. Fnigu di ge, nangam agu fanlayam.”

Matyu 5:29

Taman ku i matam kwanan mebe ge di kimò sasè, baling fye fa ku tanwilam na batam, du fye là ge fles mimò sasè. Fye fa ku lana satu matam na nun nawam landè sen, di sikof i laweham na baling ge bat di lanaw lifoh.

Matyu 5:22

Kabay ani mangu fa di gamu, balù simto to flabè i demen to gablà nukum di gal gumukumyu. Na lêman i to smilo i demen to, gablà nukum di dad mdatah mukum. Na lêman i to ku manan, ‘Landè kamu ge,’ du mdà di kalbutan satu to, gablà kenen fanlayam Dwata di lanaw lifoh.

1 Korintu 15:55

Na manan fa, “I fati gfisan Dwata. I fati talandè enegan falmo.”

Matyu 11:23

Na gamu dad to di banwe Kafernaum, mayè gamu fdatah i ktoyu kel di langit. Kabay fan bat gamu baling di lanaw lifoh. Ku tateen i dad to sasè di banwe Sodom i dad tnikeng tanimògu déén di gamu, là malmo banwela kel ani.

Matyu 8:29

Na di ksitongla ku Dyisas mkit ale, manla, “Ge Tingà Dwata, tan i kiboam gami? Salu ge dini kè, du fanlayamam gami balù ise fa bangan?”

Dad Fngewe 15:24

I to fulung faldam, mlalò i dalan salu di nawa landè sen, là mlalò i dalan salu di fati.

Dad Fngewe 9:18

Kabay i kdee mgeben di gumnean, làla gadè i gukella ku gfusuk ale déén, du dad muna mgeben tamati ale, na tasbool ale di gumnè i dad mati.

Dad Fngewe 7:27

Na ku salu gamu di gumnean, én sa gusaluyu di banwe i dad mati, na i dalanyu ani salu di fati.

Dad Fngewe 5:5

I libun gambet ani, alò gamgebe ge di banwe i dad mati, na i dalan gumagun, dunan dalan salu di fati.

Salmo 49:15

Kabay nsò agu Dwata mdà di agot i fati, na neben agu di safédan.

Salmo 16:10

du balù mnè agu di agot i fati laam agu bayà; laam tnagak i Mtiu To toom kando di lbang.

I Fye Tulen gablà ku Dyisas Krayst i Sulat Luk 16:24

Na tlon Abraham, manan, ‘E Màgu Abraham, begam agu kando, na dekam Lasarus lamnab i tukè tnaloan di yéél, du fye fnatdakan i dilàgu, du fatno dun, du too sè kaflayamgu di lifoh ani.’