I Fye Tulen gablà ku Dyisas Krayst i Sulat Luk 15:10 - Blaan Sarangani

¹⁰ Na tulengu gamu, salngad én i klehew dad kasaligan Dwata di ksal satu to gamsalà di salaan.”

I Fye Tulen gablà ku Dyisas Krayst i Sulat Luk 15:10 Referans Kwoze

I Fye Tulen gablà ku Dyisas Krayst i Sulat Luk 15:7

Na tulengu gamu, salngad én di langit du bong klehew ditù mdà di satu to gamsalà msal na tmagak i salaan, di syem falò syem to matlu i landè kamula msal.”

2 Korintu 7:10

Na i gukel i klidù nawa i too nun kamu Dwata, dunan i ksal i dad salà na kguman i nawa. Na i gukel i ksalyu ani, dunan nun kagalwàyu di kaflayam landè gusenan, na landè gumsal nawayu déén. Kabay i gukel i klidù nawa i mdà alò di to, dunan di fati landè gusenan.

I Fye Tulen gablà ku Dyisas Krayst i Sulat Luk 13:5

Là sa! Kabay tulengu gamu, ku là gamu msal na tmagak dad sasè nimòyu, mati gamu salngad dale.”

Matyu 18:14

Na salngad én, là mayè i Màgu di langit ku lana di kenen balù alò satu to gambet dad ngà ani.”

Hibru 1:14

Taman, gablà di dad kasaligan, alò ale lifan Dwata. Na laito ale fakay teen, bay dekan ale, du fye tmabeng gito dad faglut i gumlé Dwata i kagalwà mdà di kaflayam landè gusenan.

Dad Nimò 11:18

Na di kaklinge i dademen faglut i gmanan, talà ale nan mugak, bay baling ale dmayen Dwata, manla, “Hae, tatmabeng Dwata kadì i dad to ise Dyu, du fye msal ale di dad salàla na faglut di kenen, du fye nun nawala landè sen.”

I Fye Tulen gablà ku Dyisas Krayst i Sulat Luk 7:47

Taman tulengu ge i kaglutan, i kalbong nawan deg i gfiten ani, gugmadè tamaglifet i dad salaan balù too dee. Kabay i to là dee i salaan tamaglifet, tukay nawan deg.”

Matyu 18:10

“Too gamu fgeye du fye là mdanà keyeyu i dad to gambet i dad ngà ani. Tulengu gamu i kaglutan, i dad kasaligan Dwata mifat dale gal mnè di saféd i Màgu déén di langit.

Filimon 1:15

Én kè i kfagu Dwata ku Onisimus funan kenen fawag di ge là mlo, du fye di kasfuléan déén di ge, too kenen mnè nan di safédam kel di atuan.

Dad Nimò 5:19

Kabay di kakifu, satu kasaligan Dwata lamwa dad takab i bilanggù na faginan ale lamwà, na manan di dale, manan,

Matyu 10:32

“Na balù simto to mfun deg di muna i dad to, nfungu di muna i Màgu di langit.

I Fye Tulen gablà ku Dyisas Krayst i Sulat Luk 12:8

Man Dyisas, “Tulengu gamu, balù simto mfun deg di muna i dad to, nfun i dnagit Tingà To di muna i dad kasaligan Dwata.

I Fye Tulen gablà ku Dyisas Krayst i Sulat Luk 12:9

Kabay ku simto là mfun deg di muna i dad to, làgu kenen nfun di muna i dad kasaligan Dwata.

I Fye Tulen gablà ku Dyisas Krayst i Sulat Luk 15:9

Na di kiten, tlon i dademen sgalak na i dademen saldan, na manan dale, ‘Flehew gamu magin di deg, du tateengu i filakgu lana.’

I Fye Tulen gablà ku Dyisas Krayst i Sulat Luk 15:11

Na fadlug Dyisas talù, manan, “Nun satu to nun lwe tingaan lagi.