I Fye Tulen gablà ku Dyisas Krayst i Sulat Luk 14:28 - Blaan Sarangani

²⁸ “Kaflingenta dun, ku nun di gamu mayè fdak i bong gumnè, én nimoan, funan fanak na fandam ku file filak i btasan du fye gadean ku gablà filakan gafnge dun.

I Fye Tulen gablà ku Dyisas Krayst i Sulat Luk 14:28 Referans Kwoze

Dad Fngewe 24:27

Funam fatlagad i nligom, du fye gadeam nun gumweam, kafnge én fdakam gumneam.

Matyu 10:22

Na knang gamu nawa i kdee dad to du gamu dad togu. Kabay ku simto gamtayud kel di gusenan, galwà kenen.

I Fye Tulen gablà ku Dyisas Krayst i Sulat Luk 14:33

Salngad én, là gamu fakay mgimò to mlalò deg, ku làyu funa fandam na tnagak i kdee dademe mabtas di gamu.

Dad Nimò 21:13

Kabay tnimelan gami, manan, “Tan ku mngel gamu na flidù i nawagu? Tagatlagad agu sa, ise ku alò bnakus, bay balù fa fnatila agu mdà di katdògu gablà di Amuito Dyisas.”

Matyu 8:20

Na man Dyisas di kenen, “Fandamam i kalima di klalò deg, du i dad tuyun, nun ilib gumulêla, na dad anuk di bnas, nun fulalla, bay deg, i dnagit Tingà To, balù gumilègu, landè.”

I Fye Tulen gablà ku Dyisas Krayst i Sulat Luk 14:27

Na balù simto to là mebe i krusan na mlalò deg, là kenen fakay mgimò satu gal mlalò deg.

I Fye Tulen gablà ku Dyisas Krayst i Sulat Luk 14:29

Hae, du ku laan funa fandam, di kafngen fdak i lahanan, laan gafnge i gumnean, na baling snilo kenen i kdee mite dun.