I Fye Tulen gablà ku Dyisas Krayst i Sulat Luk 13:11 - Blaan Sarangani

¹¹ Na nun libun déén tasfalò walu fali nun tdukan mdà di busaw. Bakug kenen, na talaan beg gafatlu tadag.

I Fye Tulen gablà ku Dyisas Krayst i Sulat Luk 13:11 Referans Kwoze

I Fye Tulen gablà ku Dyisas Krayst i Sulat Luk 8:2

Na nun fa dademe dad libun tafanguléan di dad tdukla magin kenen, na dademe nun busaw tafalwaan di dale. Satu ani dunan, Méri Magdalin, i to gufalwà Dyisas fitu busaw.

I Fye Tulen gablà ku Dyisas Krayst i Sulat Luk 13:16

Na i libun ani, kenen satu bel Abraham, na tasfalò walu fali taklo Satanas mikat kenen. Là kè fakay ku ntehgu ikatan di Duh Kaftud?”

I Fye Tulen gablà ku Dyisas Krayst i Sulat Luk 8:27

Na di ktufala di tanà, na nun satu lagi bnusaw mdà di lunsud smitong kenen. Tatoo mlo laan kamlaweh, na là mnè di gumnè to, bay én baling gumnean di ilib gal gulambang i dad to.

Salmo 6:2

Kabay, Amugu Dwata, kandom agu du too agu mlungay; tangalam agu, du landè galgu.

Dad Nimò 4:22

I ktua i to mgulê i gumgimò tnikeng, tamlukas fat falò falin.

I Fye Tulen gablà ku Dyisas Krayst i Sulat Luk 8:43

Na nun satu libun déén tamaflayam sfalò lwe fali mdà di tdukan, tatì maloh tienan. Na landè to gafgulê kenen.

Mark 9:21

Na snalek Dyisas mà i tingà, manan, “Tamlo kè tdukan?” Na man i maan, “Tagnè mdà di ktukayan.

Dad Nimò 3:2

Na di gufusuk di bong labat dnagitla Fye Baweh, nun satu to sudeng déén, na laan gagu du kimay mdà fa di ksutan. Na klit i duh nun tmunda kenen di gufusuk, du én nimoan beg gal mni di dad to fusuk.

Salmo 42:5

Na mangu di ktogu, “Kan ku too agu mlidù? Na kan ku too msamuk i nawagu? Én fye nimògu, smalig agu di Dwata, na lêman agu dmayen kenen du kenen i falwà deg, na kenen i Dwatagu.”

Matyu 4:23

Na lamngab ale Dyisas di dad banwe glam di Galili, du tamdò kenen di dad gal gusatdò dad Dyu i Fye Tulen gablà di kagot Dwata. Na fanguléan kdee bung tduk i dad to na dad gukulang i lawehla.

I Fye Tulen gablà ku Dyisas Krayst i Sulat Luk 13:12

Na di kite Dyisas i libun ani, tlon kenen, na manan, “Tamgulê ge nan di tdukam.”

I Fye Tulen gablà ku Dyisas Krayst i Sulat Luk 21:28

Na ku tatambù i kagdohò i kdee ilè ani, fangalyu i nawayu na flehew gamu, du talà mlo nan i kagalwàyu.”