I Fye Tulen gablà ku Dyisas Krayst i Sulat Luk 12:42 - Blaan Sarangani

⁴² Na man i Amuito Dyisas, “Simto i salig too gsalig na too fulung? Dunan i salig gufagot i amun i dademe dad saligan, du fye nalelan dale i knaanla ku tabang kablé dun.

I Fye Tulen gablà ku Dyisas Krayst i Sulat Luk 12:42 Referans Kwoze

Hibru 13:17

Dad flanekgu faglut, nimenyu ku tan fngewe i dad to mebe gamu di kafaglut di Dwata, na nafèyu ale, du ale too mifat gamu. Du satu duh, ale tmimel di Dwata, gablà di kifatla gamu. Taman fanlingeyu ale, du fye nun klehewla di kebela gamu, du ku làyu ale nimen mlidù ale na landè ulê i tabengla gamu.

Hibru 13:7

Nangyu glifet i dad to mebe gamu, i dad to tamdò gamu Tnalù Dwata. Na fandamyu i ulê i nimòla na i kibòla too tmayud di kafaglutla di Dwata kel di fatila, na lalòyu i kafaglutla ku Dyisas.

2 Timoti 4:2

Too ge fgal tamdò Tnalù Dwata balù tan duh dun, na balù ku nun mayè flinge demen landè. Na toom faglabat di dad to, tdoam i gugsalàla, tangalam nawala mimò fye, na fantahaam nawam tamdò dale.

1 Timoti 5:17

Na i dad to mebe i dad faglut di simbahan; ku too fye kebela i dad faglut, gablà moon ku nafèyu na tooyu tananù i taden bléyu di dale, lumban i dad too fgal samtulen na tamdò Tnalù Dwata.

1 Fiter 4:10

Kat satu gamu, faguyu i dad sahal gnagan gablé Dwata di gamu, di ktabengyu demeyu dad to, na fiteyu di dale i dad dee bung kafye gablé Dwata.

Titus 1:7

Du i to mebe i dad faglut, mebe nimò Dwata, taman fye ku landè fakay mlé salà di kenen. Là fakay ku fdag, na mlal flabè, flangal, sfati, na lom i knun.

Dad Nimò 20:28

Na tooyu neye i ktoyu, na i kdee dad faglut i tasalig i Mtiu Tulus di gamu du salngad ale dad bilibili. Na tooyu nifat i dad to fbaling Dwata dad ton fagu di kfati i Tingaan Dyisas.

Matyu 20:8

“Na di kasdaf i duh, man i mfun i fule di to magot i taden, manan, ‘Tlom i dad to mimò, na tnadenam ale. Funam tnaden i dad to fulé tambù mimò, na fafulém dad guna mimò.’

Dad Fngewe 15:23

Lehew i to ku fye i ktimelan di bangan tmimel dun.

Hibru 3:5

Na Mosis, too kenen mimen Dwata di kifatan i dad ton, du salig Dwata. Én nimoan tulenan di dad to i kaglut i man Dwata di kenen.

1 Timoti 3:15

du ken agu ganggà, na fagu di sulatgu ani gadeam tan kibò i dad to faglut fagu i ktola, du gadeam gito gumnè i too mto Dwata. Na gito gumgal i kaglut, du di gito sa gusmaligan i kaglut.

I Fye Tulen gablà ku Dyisas Krayst i Sulat Luk 7:13

Di kite Dyisas i libun balu ani, toon kando, na manan di kenen, “Nang ge nan mngel.”

Matyu 13:52

Taman manan, “Ku glabatyu, glabatyu i kagkah i to tagnè gmadè i flalò blé Dwata fagu di ku Mosis, na ku lê kenen mlalò i kagot Dwata salngad kenen di satu to too nun knunan di gumnean. Nun labi na nun falami knunan fakayan gumwè ku nun gukmamun dun.”

Dad Fngewe 27:18

I to mifat i kayu nun bunge, gamkaan sa i bungen, na salngad i satu salig mifat i amun, du gamdawat sa bunge i nimoan.

Dad Fngewe 31:15

Di là fa mwal mték kenen du nimoan knaan i malayan, na dekan dad saligan libun mimò dademe nimò.

I Fye Tulen gablà ku Dyisas Krayst i Sulat Luk 7:19

Kaklinge Dyan dun, tlon lwe di dale, na dekan ale di Amuito Dyisas du fsalekan kenen, manan, “Ge kè i to dek Dwata dini i sanfatanmi, ku nun fa dademe fatanmi?”

I Fye Tulen gablà ku Dyisas Krayst i Sulat Luk 12:43

Too nun kafye i salig di kakel i amun ku teenan kenen mimò i fimò kenen.

Dad Fngewe 12:8

I to fulung faldam magdayen, bay i to là matlu fandaman mgadoy.