I Fye Tulen gablà ku Dyisas Krayst i Sulat Luk 12:31 - Blaan Sarangani

³¹ Kabay ani i fye nimòyu, fdatahyu di nawayu i kagot Dwata, na blén di gamu i kdee dad klidùyu.”

I Fye Tulen gablà ku Dyisas Krayst i Sulat Luk 12:31 Referans Kwoze

Matyu 6:33

Kabay gamu, ani nimòyu, funayu fdatah di nawayu kagot Dwata gamu, na klalòyu katlun, na blén di gamu kdee kanlidùyu.

Hibru 13:5

Na nang gamu mbong nawa filak, na ku tan i gununyu dnawatyu, du gman Dwata sa di gito, manan, “Là tlag i ktabengta gamu, na làta gamu sa tnagak.”

Salmo 34:9

Kanlikòyu i Amuito Dwata, kdeeyu dad ton, du i dad to nun klikò di kenen tnabengan na landè gukulangla.

1 Timoti 4:8

Nun gukmamu kafgal i laweh, bay too nun fa gukmamu kafgal i kafaglutam di Dwata, du bong ktabengan di kneam dini di tah tanà na ditù kadang di langit.

Dyan 6:27

Nang gamu faflayam mngabal i knaan di tah tanà lumak malmo, bay én gufaflayamyu mngabal i knaan gumdà nawa landè sen. Na agu, i dnagit Tingà To, i mlé dun di gamu, du tanun ilè di deg na agu i mgalék Dwata Mà mimò dun.”

Salmo 84:11

du Amugu Dwata lamwa fandam i dad to na kamlung dale, na kenen mlé kafye na kdatah. Landè kafye klenan di dad to matlu nimòla.

Roma 8:31

Ku fandamito gablà di kdee ani gine, gadeito ku Dwata msen gito, landè gmagan misan gito.

Salmo 37:3

Kabay én nimòyu, too gamu smalig di Amuito Dwata na mimò fye, du fye nun fye knèyu na landè sasè kel di gamu.

Salmo 37:25

Ani tatua agu nan, bay mdà fa di tingà agu kel ani, landè fa teengu i to matlu ku tatì fbayà Dwata, na landè fa teengu ku i dad ngaan gal mni kakaanla mdà di klandèla.

Salmo 37:19

Na di bang i klandè, là ale madlà di ksaligla di Dwata, du balù kel i bong kbitil nun lukas i knaanla.

I Fye Tulen gablà ku Dyisas Krayst i Sulat Luk 10:42

Alò satu moon nimoam, i too mabtas nimò. Tanalék Méri i too fye nimò, na landè gamwè dun di kenen.”

I Fye Tulen gablà ku Dyisas Krayst i Sulat Luk 12:30

Hae, du én i too fanngabal i dad to là gmadè Dwata, bay i Màyu di langit gmadè i kdee klidùyu.