I Fye Tulen gablà ku Dyisas Krayst i Sulat Luk 12:19 - Blaan Sarangani

¹⁹ Na kafnge én, fakaygu man di ktogu, “Tay, kafye kagkahgu nan. Là mti i bong knungu kel di file fali. Tatì agu nan ftud, kmaan, minum, na too flehew!” ’ ”

I Fye Tulen gablà ku Dyisas Krayst i Sulat Luk 12:19 Referans Kwoze

Dad Fngewe 27:1

Nang ge fdag gablà di nimoam fayah, du laam gadè ku tan fa kel di ge fayah.

1 Korintu 15:32

Dini di banwe Ifisus too sè kalimagu, du i dad to mnang nawa deg, salngad ale i dad labè lmanaf. Ku là mték i dad to mati, landè gukmamu i kagtayudgu di kalima ani. Én fye baling nimengu i man dad to, manla, “Minum ito na kmaan ito, du là gadè ku mati ito fayah.”

Dyém 5:5

Gamu dad to nun bong knun, di knèyu di tanà ani, landè knun i gukulangyu, na fnò i nawayu i kdee bung knayèyu. Tafabùyu i ktoyu salngad i baka fabù, bay laan gadè tabang tnatê.

Filifos 3:19

I dad to salngad ani gine, én gusalula di lanaw lifoh di kaflayam landè gusenan, du i dwatala dunan i sasè knayè i lawehla, na balingla dag i dad nimò gumyàla, na alò mnè di fandamla i knèla di tah tanà.

Dad Fngewe 18:11

I dad to nun knun, fandamla i knunla kamlung dale, salngad kaklung i bong mdatah labat batu glibut i syudad.

Tafite 18:7

Salngad di kafdatahan i kton na kimenan i sasè knayean, én sa kablat i kaflayam na klidù nawa i blé di kenen. Fdag kenen, manan, ‘Agu i satu gumdatah, ise agu satu libun balu, na landè klidù nawagu kel di landè sen.’

1 Fiter 4:3

Du di muna, dee sasè nimòyu i knayè nimò i dad to là faglut, dunan i magagyà nimò, i sasè knayè lawehyu, gal gamu flangal na dee sasè nimòyu di kaflangalyu, na kfangamfùyu di ise glut dwata.

2 Timoti 3:4

mangkal ale demela to, gadlug ale di sasè nimò, làla funa fandam ku fye i nimòla, dmayen i ktola, na là ale mbong nawa Dwata, bay én kanbong nawala i dale knayè.

Dad Fngewe 23:5

du i knun tatì lana di mata, salngad klana i kablak ku mayeng ditù di mdatah bulul.

1 Timoti 6:17

Toom man di dad to too nun knun, nang ale fdag na smalig di knunla, du nun gusen i dad knun. Kabay Dwata alò gusmaligla, du kenen sa i mlé kdee di gito i gaflehew gito.

1 Timoti 5:6

Kabay ku aloan fandam i kafye knean landè gukmamu kenen, du salngad tamati, balù mto fa i lawehan.

I Fye Tulen gablà ku Dyisas Krayst i Sulat Luk 21:34

“Kabay too gamu fgeye du fye làyu fsen nawayu kmaan na minum i dad gamlangal, ken én mnè di nawayu i knèyu di tah tanà, na baling gamu taknal di kakel i duh kasfulêgu,

I Fye Tulen gablà ku Dyisas Krayst i Sulat Luk 16:19

Na talù fa Dyisas, manan, “Nun satu to nun bong knun gal kamlaweh i too fye baweh na too mabtas, na too fye knaanan kat i duh.

Salmo 49:18

Du balù fa too msen nawa satu to di knean di tah tanà ani, na too kenen dag i dademe to du mdà di bong gnaganan,

Dad Fngewe 10:2

Landè gufyem di knun gweam fagu di klimbung, bay i katlu nimò i gafalwà ge di fati.

I Fye Tulen gablà ku Dyisas Krayst i Sulat Luk 12:18

Na manan, ‘Ani nimògu, lanbàgu i dad labi folgu na tanlasgu bong. Déén gumusekgu kdee ulê fulegu na i dademe kandeengu.

Dad Fngewe 14:24

I to fulung faldam, i untungan dunan i kfulungan, bay i to là fulung faldam, i untungan dunan i klandè kfulungan.