I Fye Tulen gablà ku Dyisas Krayst i Sulat Luk 11:9 - Blaan Sarangani

⁹ “Taman mangu di gamu, mni gamu di Dwata, na banlén gamu, mngabal gamu na fiten di gamu i fanngabalyu, na mbal gamu fusuk na lanwan di gamu i takab.

I Fye Tulen gablà ku Dyisas Krayst i Sulat Luk 11:9 Referans Kwoze

Mark 11:24

Taman tulengu gamu, balù tan fniyu di dasal, ku faglut gamu blé di gamu i fniyu, gdawatyu sa.

Matyu 21:22

Du balù tan i fniyu di dasal gdawatyu.”

Dyan 15:16

Ise ku gamu malék deg, bay agu malék gamu. Nalékta gamu du fye munge gamu i fye nimò balù nè gusaluyu, na du fye nun gukel i nimòyu. Na taman ku tan fniyu di Mà fagu di dagitgu blén di gamu.

Dyan 15:7

Ku fadlug gamu mnè di deg, na mnè i Tnalùgu di nawayu, na balù tan fniyu di deg blégu gamu.

Dyan 14:13

Na balù tan i fniyu di Mà fagu di dagitgu, nimògu, du fye gfite i bong kdatah Mà fagu di Tingaan.

1 Dyan 3:22

Na ku ani kagkahito, balù tan fniito di kenen, blén di gito, du mimen ito i dad flaloan gito, na nimoito i gaflehew kenen.

Dyém 1:5

Kabay ku nun di gamu kulang i kfulungan faldam, fye ku mni kenen kfulung mdà di Dwata, du too kenen mlé, du too mayè Dwata mlé kfulung di kdee dad to mni di kenen.

Salmo 118:5

Di knun kaflayamgu tlogu Amugu Dwata, na tnimelan agu na falwaan agu.

Hibru 11:6

Na i to landè kafaglutan laan gaflehew Dwata. Du balù simto to mayè salu di Dwata, là fakay ku laan fnaglut nun Dwata na nun kafye blén di simto too fgal meye i dalan salu di kenen.

Dyém 5:15

Du i kdasalla ani, gagin i kafaglutla, gafgulê i to ani, du fangulê Dwata, na nlifetan i dad sasè mgimoan.

Salmo 34:10

Du balù i dad malbang liyun là fa tua, kulang ale di kakaanla na bitil, bay i dad to fdadong di Dwata du gusmaligla landè gukulangla di dad gufyela.

Hibru 4:16

Taman du tanun mdatah baito di Dwata, nang ito gdè salu di kenen fagu di kdasalito du dnawatan ito. Hae, toon ito kando na tnabengan ito ku nun tilew gito.

Salmo 34:4

Dmasal agu di Amugu Dwata na tnimelan i dasalgu, na nwean kdee klikògu.

Dyan 4:10

Na tmimel Dyisas, manan, “Ku aloam gadè ku i tan kayè Dwata blé di ge, na ku simto mni di ge yéél ani, tamni ge moon di deg yéél, na tablégu di ge yéél i mlé falami nawa.”

Salmo 27:8

Tagmanam, “Too ge fdadong di deg.” Na mdà di nawagu tmimel agu ge, mangu, “Hae, Amugu Dwata, too agu fdadong di ge.”

Matyu 6:29

Kabay ani mangu di gamu, balù Harì Solomon di too nun knunan, landè klawehan gasngad di kafye baweh i satu bulek nimò Dwata.

2 Korintu 6:2

Flinge gamu i tagman Dwata di Tnaluan, manan, “Di bang i kayègu, tnimelgu i dasalyu, di kakel i duh i kafalwàgu gamu, tnabenggu gamu.” Na ani mangu di gamu, takel i bang mayè Dwata tmabeng gamu, na ani i duh falwaan gamu mdà di kaflayam landè gusenan.

Mark 13:37

I mangu gamu ani, mangu di kdee dad to, ‘Too gamu fgeye.’ ”

Roma 2:7

Na nun dad to fadlug mimò fye, du neyela i kdayen, kafè, na klawil landè sen blé Dwata dale. Na i dad to én, i gumlé Dwata nawa landè sen.

Salmo 27:4

Satu fnigu di Amugu Dwata i toogu knayè, dunan toogu kayè mnè di Gumnè Dwata di klogu mto; na di klogu mnè ditù kayègu ku toogu fandam i bong kafye Amugu Dwata, na fnigu moon ku nalakan agu.

Matyu 21:31

Na di lwe dad ngà ani, simto i mimen knayè i màla?” Na tmimel ale, manla, “I twege.” Na man Dyisas, “Hae, na tulengu gamu i kaglutan, i dad to sasè, gambet i dad to mwè bayad buhis na i dad libun mkat lagi, muna fa di gamu fusuk di kagot Dwata.

Tafite 2:24

“ ‘Kabay nun dademe di gamu di Tiatira là mlalò i dad sasè tdò ani, dunan làyu dnawat i dagit dademe kun dad mngalam tdò mdà di ku Satanas. Na mangu di gamu, landè dademe fnigu di gamu.

I Fye Tulen gablà ku Dyisas Krayst i Sulat Luk 11:10

Du balù simto mni di Dwata, gamdawat sa, na balù simto mngabal, fite Dwata di kenen i fanngabalan, na balù simto mbal fusuk, lanwa Dwata di kenen i takab.