I Fye Tulen gablà ku Dyisas Krayst i Sulat Luk 11:28 - Blaan Sarangani

²⁸ Kabay tmimel Dyisas, manan, “Kabay too nun kafye i dad to flinge Tnalù Dwata na mimen dun.”

I Fye Tulen gablà ku Dyisas Krayst i Sulat Luk 11:28 Referans Kwoze

I Fye Tulen gablà ku Dyisas Krayst i Sulat Luk 8:21

Kabay man Dyisas di dale, “Hae, bay i dad to mlinge i Tnalù Dwata na mimen dun, ale mgimò yêgu na dad flanekgu.”

Dyan 13:17

Na du glabatyu i tdògu di gamu ani, nun kafyeyu ku nimenyu.

Tafite 22:14

“Na nun kafye di dad to mfuk i klawehla, dunan dad to mlaneb mdà di dad salàla, du nun alella di bunge kayu gamlé falami nawa na fakay ale fusuk di gufusuk di syudad Dwata.

Dad Fngewe 8:32

Taman dad ngàgu, fanlingeyu agu, nun klehewyu ku nimòyu i gmangu di gamu.

Dad Fngewe 19:16

I to mimen dad flalò Dwata, mlawil kenen, bay i to mnang i flaloan, mati kenen.

Tafite 1:3

Too nun kafye i to masa i libru ani di kaklinge i dad to. Na ku simto flinge na mlalò i tagsulat dini nun kafyen, du tamdadong i kagdohò i tafgadè Dwata ani.