I Fye Tulen gablà ku Dyisas Krayst i Sulat Luk 11:2 - Blaan Sarangani

² Taman man Dyisas, “Ku dmasal gamu, gambet ani manyu, ‘Mà, kayèmi ku mangamfù i kdee dad to di ge. Kayèmi ku ge magot i kdee dad to.

I Fye Tulen gablà ku Dyisas Krayst i Sulat Luk 11:2 Referans Kwoze

Tafite 15:4

E Amumi, kdee dad to mafè ge, na dmayen na fdatah ge, du ge alò i too mtiu du landè salaam. Kdee dad to di kdee banwe salu ale kadang di ge, na mangamfù ale di munam, du tateenla i kdee dad nimoam too matlu.”

Salmo 11:4

Knean ditù Amugu Dwata di kenen gumnè di langit; sudeng kenen di gusudeng i magot kdee; na toon neye dad to di tah tanà, na teenan i kdee nimòla.

Tafite 20:4

Na lêmangu teen déén di langit i dad gusudeng i dad gumdatah, na i dad sudeng déén, i dad to tamablé glal mukum i dad to. Na teengu dad layef i dad to fnati mdà di kaglut tagtulenla gablà di ku Dyisas na ktulenla Tnalù Dwata. Là ale mangamfù di bong kanlikò ku demen di kafbawehan, na là ale lmen dmawat i ilean di angasla ku demen di kmalla. Na lêman ale nték Dwata mdà di fatila na gagin ale ku Dyisas Krayst di kagotan klo mlibu fali.

1 Tésalonika 1:3

Du di galmi kdasal gamu di Maito Dwata, làmi glifet i dad fye mgimòyu mdà di kgal i kafaglutyu, i kalgadyu mdà di kakdoyu, na i ktayudyu di kfatanyu i kasfulê Amuito Dyisas Krayst.

Filifos 4:20

Fye ku too magdayen Maito Dwata kel di landè sen. Amén.

Filifos 1:2

Kayègu ku banlé gamu Maito Dwata na Amuito Dyisas Krayst kafye na ktanak nawa.

Ifisus 1:2

Kayègu ku banlé gamu Maito Dwata na Amuito Dyisas Krayst kafye na ktanak nawa.

2 Korintu 1:2

Kayègu ku banlé gamu Dwata Maito na Amuito Dyisas Krayst kafye na ktanak nawa.

1 Korintu 1:3

Kayègu ku banlé gamu Dwata Maito na Amuito Dyisas Krayst kafye na ktanak nawa.

Tafite 19:6

Na kafnge én, lêmangu linge i talù gambet talù i bong dee dad to, i unin gambet luk i bong fikong, na uni i bong kilet. Na lingegu i kitla, manla, “Dnayenito Dwata. Du Amuito Dwata Too Mtulus i magot i kdee.

Tafite 11:15

Kafnge én, nyuf i gfitu kasaligan i kenen twang. Na di kagyufan dun nun dad mkit mdà di langit, na manla, “I glal magot i klamang banwe di tah tanà i gfun Amuito Dwata na i To Mgalékan, na kenen magot kel di landè sen.”

1 Tésalonika 1:1

Agu Fol, Silas, na Timoti febe i sulat ani di gamu dad faglut di banwe Tésalonika, di gamu nfun Maito Dwata na Amuito Dyisas Krayst. Kayèmi ku banlé gamu Dwata kafye na ktanak nawa.

2 Tésalonika 2:16

Kayègu ku Amuito Dyisas Krayst na Maito Dwata i mbong nawa gito, na tamgal gito fagu di kafyen kel di landè sen, na mlé gito klehew di kfatanito,

Kolosas 1:2

Na smulat agu di gamu dad to Dwata déén di banwe Kolosas, i dad flanekmi too gsalig di ksasatuyu di ku Krayst. Kayègu ku banlé gamu Maito Dwata kafye na ktanak nawa.

Roma 8:15

Du i Tulus blé Dwata di gito, laan ito nimò fasak fye too ito likò Dwata, bay fbalingan ito dad ngà Dwata. Na mdà di eneg Tulus Dwata, tafakayito tlo Maito Dwata.

Matyu 10:32

“Na balù simto to mfun deg di muna i dad to, nfungu di muna i Màgu di langit.

Matyu 5:16

Salngad én gamu, tooyu fneng i salòyu di kdee dad to, du fye teenla dad fye nimòyu, na dnayenla i Màyu di langit.”

Matyu 3:2

Na manan, “Msal gamu na tnagakyu dad sasè nimòyu, du tamdadong i kagot Dwata.”

Salmo 103:20

Mlé gamu fye di Amuito Dwata, gamu dad kasaliganan, gamu dad mtulus mimò i dad dekan na flinge i dad tnaluan.

Galasya 1:4

Blé Krayst i kton di fati fagu di kimenan i knayè Maito Dwata, fye galwà ito di dad salaito, na di dad sasè nimò i dad to di bang ani, i dmuen Dwata.

Roma 1:7

Taman smulat agu di kdeeyu i kanbong nawa Dwata déén di banwe Roma, gamu tamgalék Dwata mbaling dad ton. Kayègu banlé gamu Maito Dwata na Amuito Dyisas Krayst kafye na ktanak nawa.

I Fye Tulen gablà ku Dyisas Krayst i Sulat Luk 11:1

Satu duh dmasal Dyisas di satu banwe. Na kafngen dmasal, man i satu di dad gal mlalò kenen, “Amu, tdoam gami dmasal gambet i gal nimò Dyan Gal Munyag di dad gal mlalò kenen.”