I Fye Tulen gablà ku Dyisas Krayst i Sulat Luk 10:28 - Blaan Sarangani

²⁸ Na man Dyisas, “Too glut sa i timelam. Nimoam én, na gfunam i nawa landè sen.”

I Fye Tulen gablà ku Dyisas Krayst i Sulat Luk 10:28 Referans Kwoze

Matyu 19:17

Na man Dyisas, “Kan ku smalek ge deg ku tan i fye? Alò satu i fye, dunan Dwata. Nimenam kdee flalò Dwata ku mayè ge gamdawat nawa landè sen.”

Galasya 3:12

Kabay ku nun satu to mimen kdee flalò, landè kamun i kafaglutan, du gman Dwata di Tnaluan, “Ku nun to sanduléan nimen i kdee flalò, kenen sa i mfun nawa landè sen.”

Roma 10:4

Kabay mdà di mgimò Krayst talandè gukmamu i kimen i flalò fagu di ku Mosis, du fye i kdee dad to faglut di ku Krayst, matlu ale di kite Dwata.

Roma 3:19

Na gadeito i gman di flalò Dwata, gmanan di dad to mlal ò i flalò. Na fagu di gman Dwata, gadeito landè to fakay mangman, kenen i là fakay fanlayam Dwata, du kdee dad to slame tagamsalà di kenen.

I Fye Tulen gablà ku Dyisas Krayst i Sulat Luk 7:43

Na tmimel Simon manan, “Fanyogu i to too mbong nawa kenen i to bong uteng tagnibun.” Na man Dyisas, “Glut i manam.”

Mark 12:34

Di kaklinge Dyisas timelan, gadean too nun kaglabatan, taman manan di kenen, “Là ge mawag di kagot Dwata.” Na mdà di timelan, landè to gamlas smalek kenen du gadèla landè kibòla matu.

Dad Fngewe 19:16

I to mimen dad flalò Dwata, mlawil kenen, bay i to mnang i flaloan, mati kenen.

Roma 7:10

Dwata mlé i flalò, du fye nfun i dad to nawa landè sen, ku làla nlafà dun, bay i flalò baling mukum deg di fati landè sen, du nlafàgu.